நான் சொன்னதை இயக்குனர் ஏஆர் முருகதாஸ் கேட்கலே… அப்படி பண்ணிட்டார் – வருத்தப்பட்ட பிரபல நடிகர்!

கடந்த 1980களில் தமிழ் சினிமாவில் முன்னணி நடிகர்களில் ஒருவராக இருந்தவர் தியாகராஜன். கொம்பேறி மூக்கன் தீச்சட்டி கோவிந்தன் நீங்கள் கேட்டவை மலையூர் மம்பட்டியான் உள்ளிட்ட பல வெற்றிப் படங்களில் ஹீரோவாக நடித்தவர். இப்போது திரைப்பட தயாரிப்பாளராகவும் இயக்குனராகவும் இருக்கிறார். இவரது மகன் தான் நடிகர் பிரசாந்த் என்பது குறிப்பிடத்தக்கது.

சமீபத்தில் ஒரு நேர்காணலில் பங்கேற்ற தயாரிப்பாளர் தியாகராஜன் கூறியதாவது, ஏஆர் முருகதாஸ் இயக்கிய முதல் படம் தீனா. அப்போது என் மகன் பிரசாந்த் பிஸியாக படங்களில் நடித்துக் கொண்டிருந்தார். ஒரு நாள் என்னிடம் வந்த ஏஆர் முருகதாஸ் தீனா படம் பற்றி சொன்னார். நான் என் மகன் சூட்டிங்கில் பிஸியாக இருக்கிறார். 2 நாட்கள் பொருங்கள் அவர் வந்தவுடன் பேசி முடிவெடுக்கலாம் என்று சொன்னேன்.

இல்லை சார். எனக்கு ரொம்ப அவசரம் என்று சொல்லிவிட்டு அவர் தீனா படத்தை அஜீத்தை வைத்து ஆரம்பித்து விட்டார். நான் 2 நாள் மட்டுமே இருக்க சொன்னேன். ஆனால் அவர் அதை கேட்கவில்லை. அதற்குள் அவர் தீனா படத்தை எடுக்கத் தொடங்கி விட்டார் என்று நடிகர் தியாகராஜன் கூறியிருக்கிறார். அந்த படத்தில் பிரசாந்த் நடித்திருந்தால் அது அவருக்கு ஒரு மைல்கல்லாக இருந்திருக்க வாய்ப்புள்ளது.