பெண்களுக்கு எதிராக பாலியல் வன்கொடுமை மற்றும் சித்திரவதைகளில் ஈடுபடும் குற்றவாளிகள் யாராக இருந்தாலும், அவர்கள் சட்டத்தின் முன் நிறுத்தப்பட்டு தகுந்த தண்டனை பெற்றுத் தரப்படுவார்கள் என்று பிரதமர் மோடி உறுதிபடத் தெரிவித்தார். நாட்டின் எந்தப் பகுதியில் இத்தகைய குற்றங்கள் நடந்தாலும், குற்றவாளிகள் தப்பிக்க முடியாது என்றும், அவர்களுக்குக் கடுமையான தண்டனை கிடைப்பதை மத்திய அரசு உறுதி செய்யும் என்றும் அவர் பேசினார்.
ஒடிசாவில் நிலவும் சட்டம் ஒழுங்கு நிலைமை குறித்து விமர்சித்த பிரதமர், மாநிலத்தில் பெண்களுக்குப் பாதுகாப்பு இல்லாத சூழல் இருப்பதைச் சுட்டிக்காட்டினார். குறிப்பாக, ஆளும் பிஜு ஜனதா தளம் (BJD) அரசு பெண்களின் பாதுகாப்பில் மெத்தனமாக இருப்பதாகவும், குற்றவாளிகள் மீது கடும் நடவடிக்கை எடுக்கத் தயங்குவதாகவும் அவர் குற்றம் சாட்டினார். பாஜாக ஆட்சிக்கு வந்தால் பெண்களின் பாதுகாப்புக்கு முன்னுரிமை அளிக்கப்படும் என்று அவர் வாக்குறுதி அளித்தார்.
மேலும், ஒடிசா மக்களின் கலாச்சாரம் மற்றும் பெருமையைக் காக்க வேண்டியதன் அவசியத்தை வலியுறுத்திய மோடி, கடந்த பல ஆண்டுகளாக மாநிலத்தின் வளர்ச்சி முடங்கியுள்ளதாகத் தெரிவித்தார். பெண்களுக்கு அதிகாரமளித்தல் மற்றும் அவர்களின் பாதுகாப்பை உறுதி செய்வதே ஒரு வலுவான மாநிலத்தை உருவாக்குவதற்கான அடிப்படை என்றும், அதற்கு பாஜகவின் ‘இரட்டை எஞ்சின்’ அரசு தேவை என்றும் அவர் தனது உரையில் குறிப்பிட்டார்.