தேமுதிக கூட்டணியில் துணை முதலமைச்சர் பதவி கேட்டதாக பரவி வந்த தகவல்களுக்கு முற்றுப்புள்ளி வைத்துள்ள பிரேமலதா விஜயகாந்த், அது முற்றிலும் தவறான செய்தி என திட்டவட்டமாக மறுத்துள்ளார். கூட்டணியின் தாமதத்திற்குக் காரணம் தங்களது பிடிவாதம் அல்ல என்பதைத் தெளிவுபடுத்திய அவர், எந்தவொரு கட்சியையும் போல தாங்களும் தங்களுக்குரிய கௌரவமான இடத்தையே கோரியதாகக் குறிப்பிட்டுள்ளார். பதவிகளுக்காக யாரிடமும் அடம் பிடிக்கும் கலாச்சாரம் தங்களுக்கு இல்லை எனத் தெரிவித்த பிரேமலதா, வதந்திகளைப் புறக்கணித்துவிட்டு, கொள்கை ரீதியான கூட்டணியே தங்களின் நோக்கம் என்பதை வலியுறுத்தியுள்ளார்.
