தமிழக சட்டமன்றத் தேர்தல் முடிவுகள் வெளியாகி அரசியல் களத்தை அதிரவைத்துள்ளன. நடிகர் விஜய்யின் தமிழக வெற்றிக் கழகம் (தவெக) தனது முதல் தேர்தலிலேயே 108 தொகுதிகளில் வெற்றி பெற்று மிகப்பெரிய சாதனையை படைத்துள்ளது. இருப்பினும், ஆட்சி அமைப்பதற்கான பெரும்பான்மை பலமான 118 இடங்களை எட்டாததால், 10 இடங்கள் குறைவாக உள்ள நிலையில் மற்ற கட்சிகளின் ஆதரவை நாட வேண்டிய சூழலில் தவெக உள்ளது. இந்தச் சூழலில், தவெக – காங்கிரஸ் இடையே ரகசியப் பேச்சுவார்த்தைகள் தீவிரமடைந்துள்ளதாகத் தகவல்கள் வெளியாகியுள்ளன.
இந்த அரசியல் நகர்வுகள் குறித்து காங்கிரஸ் கட்சியின் முக்கிய நிர்வாகி பிரவீன் சக்ரவர்த்தி தனியார் தொலைக்காட்சிக்கு அளித்த பேட்டி விவாதத்தைக் கிளப்பியுள்ளது. தவெக – காங்கிரஸ் கூட்டணி குறித்துப் பேசிய அவர், இரு கட்சிகளுமே கொள்கை ரீதியாக ஒரே புள்ளியில் இருப்பதாகவும், பாஜகவை வீழ்த்துவதே இருவரின் முதன்மை நோக்கம் என்றும் தெரிவித்தார். “எதிரிக்கு எதிரி நண்பன்” என்ற அடிப்படையில், கடந்த 50 ஆண்டுகளில் தமிழகத்தில் காங்கிரஸை மீண்டும் வலுப்படுத்தக் கிடைத்த மிகப்பெரிய வாய்ப்பாகவே தவெகவின் எழுச்சியைப் பார்ப்பதாக அவர் வெளிப்படையாகக் கூறியுள்ளார்.
தமிழக காங்கிரஸ் கமிட்டியின் உள்விவகாரங்கள் குறித்தும் பிரவீன் சக்ரவர்த்தி சில அதிரடித் தகவல்களைப் பகிர்ந்துள்ளார். தற்போதைய சூழலில் தமிழ்நாடு காங்கிரஸ் கமிட்டி தலைவர் செல்வப்பெருந்தகை ஓரங்கட்டப்பட்டு, அகில இந்திய காங்கிரஸின் தமிழக பொறுப்பாளர் கிரிஷ் சோடங்கர் மூலம் இந்த ‘டீலிங்’ பேச்சுவார்த்தைகள் முன்னெடுக்கப்படுவதாக அவர் தெரிவித்துள்ளார். தமிழக காங்கிரஸின் பெரும்பாலான நிர்வாகிகள் தேர்தலுக்கு முன்பே விஜய்யுடன் கூட்டணி வைக்க ஆர்வமாக இருந்ததாகவும், அது தற்போது கைக்கூடும் நிலையில் இருப்பதாகவும் அவர் சுட்டிக்காட்டினார்.
இறுதி முடிவைப் பொறுத்தவரை, தவெகவுக்கு ஆதரவு அளிப்பதா அல்லது கூட்டணியில் இணைவதா என்பதை டெல்லியில் உள்ள காங்கிரஸ் மேலிடமே முடிவு செய்யும் என்று அவர் உறுதிபடக் கூறியுள்ளார். கொள்கை ரீதியாக ஒற்றுமை இருந்தாலும், அது தேர்தல் மற்றும் ஆட்சி அதிகாரத்தில் எத்தகைய மாற்றத்தை ஏற்படுத்தும் என்பது மேலிடத்தின் கைகளிலேயே உள்ளது. ஒருவேளை இந்த கூட்டணி உறுதியானால், தமிழக அரசியல் வரலாற்றில் ஒரு நீண்ட இடைவெளிக்குப் பிறகு காங்கிரஸ் மீண்டும் அதிகாரப் பகிர்வில் முக்கியப் பங்கு வகிக்க வாய்ப்புள்ளதாக அரசியல் விமர்சகர்கள் கருதுகின்றனர்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…