ஆண்டுக்கு 20 ரூபாய் பிரீமியம்…! கடைசியில் ரூ.2 லட்சம் கிடைக்கும்…. மத்திய அரசின் சூப்பர் திட்டம்…!!

மத்திய அரசு, ஏழை மக்களின் நலன் கருதி, குறைந்த பிரீமியத்தில் காப்பீட்டு வசதியை வழங்கும் பிரதான் மந்திரி சுரக்‌ஷா பீமா யோஜனா (PMSBY) என்ற திட்டத்தை செயல்படுத்தி வருகிறது. இத்திட்டத்தில் இணைந்தால், விபத்து காரணமாக ஒருவர் இறந்தால் அல்லது நிரந்தரமாக ஊனமுற்றால், அவரது குடும்பத்திற்கு ரூ. 2 லட்சம் வரை பாதுகாப்பு கிடைக்கும்.

இந்தத் திட்டத்தின் சிறப்பம்சம் என்னவென்றால், இதன் ஆண்டு பிரீமியம் வெறும் 20 ரூபாய் மட்டுமே (மாதத்திற்கு 2 ரூபாய்க்கும் குறைவு). 18 முதல் 70 வயதுக்குட்பட்டவர்கள் அனைவரும் இத்திட்டத்தில் இணையலாம். இத்திட்டத்தில் சேர, எந்த வங்கி அல்லது அஞ்சல் அலுவலகத்திலும் சேமிப்புக் கணக்கு வைத்திருக்க வேண்டியது அவசியம். காப்பீட்டு பிரீமியம் தொகை, பயனரின் வங்கிக் கணக்கிலிருந்து தானாகவே எடுத்துக்கொள்ளப்படும் (Auto-debit).

குறைந்த வருமானம் உள்ள மக்களுக்கு விபத்துக் காலங்களில் நிதிப் பாதுகாப்பை அளிக்கும் ஒரு பெரிய வரப்பிரசாதமாக இத்திட்டம் பார்க்கப்படுகிறது. மேலும், இந்தத் திட்டத்தில் வழங்கப்படும் காப்பீட்டுத் தொகையை ரூ. 2 லட்சத்திலிருந்து ரூ. 5 லட்சம் வரை உயர்த்த அரசு ஆலோசித்து வருவதாகவும், விரைவில் இதற்கான அறிவிப்பு வரலாம் என்றும் கூறப்படுகிறது.