CINEMA
‘கோவா’வில் காதலியுடன் ஊர் சுற்றும் பிரதீப்… செமயா என்ஜாய் பன்றாரு போல இருக்கே… வெளியான புகைப்படங்கள்…
விஜய் தொலைக்காட்சியில் ஒளிபரப்பாகி வரும் பிக் பாஸ் சீசன் 7 நிகழ்ச்சியானது தற்பொழுது பரபரப்பாகவும் விறுவிறுப்பாகவும் ஒளிபரப்பாகி வருகிறது. இந்நிகழ்ச்சியில் கலந்து கொண்டு மக்களிடையே வரவேற்பு பெற்ற போட்டியாளராக இருந்து வந்தவர் பிரதீப் ஆண்டனி. இந்நிலையில், அவர் பிக் பாஸ் வீட்டில் இருந்தால் பெண்களுக்கு பாதுகாப்பு இல்லை என்று கூறி சக போட்டியாளர்களால் டார்கெட் செய்யப்பட்டு ரெட் கார்டு கொடுக்கப்பட்டு கமலஹாசனால் வெளியேற்றப்பட்டார்.
தமிழ் பிக் பாஸ் வரலாற்றில் ரெட் கார்ட் கொடுத்து எந்த ஒரு போட்டியாளரும் வெளியேற்றப்படாத நிலையில், தற்போது பிரதீப் வெளியேற்றப்பட்டார். இது அவரின் ரசிகர்கள் பலருக்கும் அதிர்ச்சியை தந்தது. இந்நிலையில், பிரபலங்களும், ரசிகர்களும், விஜய் டிவி முன்னாள் பிக் பாஸ் போட்டியாளர்களும் என பலரும் தங்களது எதிர்ப்பை இணையத்தில் பதிவு செய்தனர்.
அதுமட்டுமின்றி அவருக்கு ஆதரவாக பல்வேறு வீடியோக்களும், பதிவுகளும் இணையத்தில் வைரலாக்கப்பட்டு வந்தது. இதைத்தொடர்ந்து பிரதீப்பும் தனது ட்விட்டர் பக்கத்தில் அவ்வப்பொழுது பதிவுகளை வெளியிட்டு வருகிறார். சமீபத்தில் இவர் சுரேஷ் சக்ரவர்த்தியுடன் லைவ்வில் கலந்து கொண்டு தனது காதலியை அறிமுகப்படுத்தியிருந்தார்.
இதைத்தொடர்ந்து தனது ட்விட்டர் பக்கத்தில் சமீபத்தில் இவர் தான் கோவாவிற்கு சென்று புதிய கதை ஒன்று எழுதி இயக்குனராக களமிறங்க இருப்பதாக பதிவு ஒன்றை வெளியிட்டு இருந்தார். இதை தொடர்ந்து கோவாவிற்கு பிளைட்டில் செல்லும் புகைப்படத்தையும் வெளியிட்டிருந்தார். இப்படி தொடர்ந்து பதிவுகளை வெளியிடும் அவர் தற்பொழுது கோவாவில் தனது காதலியுடன் எடுத்துக் கொண்ட புகைப்படங்களை இணையத்தில் பகிர்ந்துள்ளார். இப்புகைப்படங்கள் படுவைரலாகி வருகிறது.
