பகீர்… என் கல்யாணத்தையே நிறுத்துவியாடி?… ரூ 3 லட்சத்தை கேட்டதற்கு தம்பதியை… போட்டுத்தள்ளிய போலீஸ் ஏட்டு… நெஞ்சை உலுக்கும் அதிர்ச்சி சம்பவம்…!

சூரியபேட்டை மாவட்டத்தில் கணவன்-மனைவி படுகொலை செய்யப்பட்ட வழக்கில், காவல் துறை காவலரே கொலையாளி என்ற அதிர்ச்சி உண்மை வெளிவந்துள்ளது. பிக்யாத்தண்டாவைச் சேர்ந்த ஹாலாவத் நாகுலு மற்றும் அவரது மனைவி பூபாலு ஆகியோரின் மகள் குடும்ப தகராறு தொடர்பாக காவல் நிலையம் சென்றபோது, காவலர் ஷரீஃப் என்பவருடன் பூபாலுவுக்குப் பழக்கம் ஏற்பட்டு அது கள்ளக்காதலாக மாறியுள்ளது. இதற்கிடையே, பூபாலு தனது மருமகனுக்குக் கொடுக்க வேண்டும் என்று கேட்டதால், ஷரீஃப் அவருக்கு ரூ 3 லட்சம் கடன் கொடுத்துள்ளார்.

காவலர் ஷரீஃபுக்கு திருமணம் நிச்சயிக்கப்பட்ட நிலையில், தான் கொடுத்த பணத்தைத் திருப்பித் தருமாறு பூபாலுவிடம் கேட்டுள்ளார். ஆனால், பணத்தைக் கொடுக்க மறுத்த பூபாலு, ஷரீஃபின் கள்ளக்காதல் விவகாரத்தைச் நிச்சயக்கப்பட்ட பெண்ணிடம் கூறி விடுவதாக மிரட்டியுள்ளார். இதனால் ஆத்திரமடைந்த ஷரீஃப், தன் திருமண வாழ்க்கை பாழாகிவிடும் என்ற பயத்தில் கணவன்-மனைவி இருவரையும் தீர்த்துக்கட்ட சதித்திட்டம் தீட்டினார்.

ஆடுகளை விற்ற கடனைத் திருப்பித் தருவதாகக் கூறி நாகுலு மற்றும் பூபாலுவை ஒரு தனிமையான இடத்திற்கு வரவழைத்த ஷரீஃப், அவர்களைத் தடியால் அடித்துக் கொடூரமாகக் கொலை செய்தார். கொலை செய்த பிறகு ஒன்றும் அறியாதவர் போலப் பணிக்குச் சென்ற ஷரீஃப், அதிகாரிகளுடன் சேர்ந்து சம்பவ இடத்தைப் பார்வையிடவும் வந்துள்ளார். எனினும், தொழில்நுட்ப சான்றுகளின் அடிப்படையில் ஷரீஃபுக்கு உதவிய சுந்தர் என்பவரைப் பிடித்து விசாரித்தபோது, காவலர் ஷரீஃப் தான் இந்த இரட்டைக் கொலையைச் செய்தார் என்ற உண்மை அம்பலமானது.