BREAKING: சற்றுமுன் தவெகவில் இருந்து விலகினார்… CM விஜய்க்கு அடுத்த அதிர்ச்சி…!

தமிழக அரசியலில் எதிர்பாராத திருப்பமாக, எடப்பாடி தொகுதியில் அதிமுக பொதுச்செயலாளர் எடப்பாடி பழனிசாமிக்கு எதிராக தமிழக வெற்றிக் கழகம் சார்பில் களமிறக்கப்பட்டு பின்னர் வேட்புமனு நிராகரிக்கப்பட்ட அருண்குமார், தற்போது தவெகவிலிருந்து விலகி அதிமுகவில் இணைந்துள்ளார். தேர்தலின் போது இவரது வேட்புமனு நிராகரிக்கப்பட்டதால், சுயேச்சை வேட்பாளராகப் போட்டியிட்ட பிரேம்குமாருக்கு தவெக தனது ஆதரவை வழங்கியது. இந்த ஆதரவின் பலனாக பிரேம்குமார் 50,823 வாக்குகள் பெற்று தொகுதியில் 2-ஆம் இடத்தைப் பிடித்து அனைவரது கவனத்தையும் ஈர்த்தார்.

இந்நிலையில், தேர்தலில் தவெகவுக்கு குறிப்பிடத்தக்க மக்கள் ஆதரவு கிடைத்த சூழலிலும், கட்சியின் முக்கிய முகமாகப் பார்க்கப்பட்ட அருண்குமார் திடீரென அதிமுகவில் ஐக்கியமாகியிருப்பது தமிழக வெற்றிக் கழகத்தின் தலைமைக்கும் தொண்டர்களுக்கும் பெரும் அதிர்ச்சியை ஏற்படுத்தியுள்ளது. எடப்பாடி தொகுதியில் தவெக கட்டமைத்த வாக்கு வங்கியையும் கள பலத்தையும் அதிமுக தனது பக்கத்திற்கு நகர்த்த முயல்வதையே இந்த திடீர் இணைப்பு காட்டுவதாக அரசியல் விமர்சகர்கள் கருதுகின்றனர்.