“என்னால் மூச்சுவிட முடியவில்லை!”.. மரணப் படுக்கையில் இருந்த இளைஞரைக் கைது செய்த போலீசார்… திடுக்கிடும் பின்னணி.. உலகையே உலுக்கும் வீடியோ..!!

ஐக்கிய இராச்சியத்தின் சவுத்தாம்ப்டன் நகரில், 18 வயதான ஹென்றி நோவாக் என்ற கல்லூரி மாணவர் கத்தியால் குத்தப்பட்டு உயிரிழந்த சம்பவம் பிரிட்டன் முழுவதும் பெரும் அதிர்வலைகளை ஏற்படுத்தியுள்ளது. இந்திய வம்சாவளி சீக்கியரான விக்ரம் திக்வா (23) என்பவர், தான் நோவாக்கால் இனவெறித் தாக்குதலுக்கு உள்ளானதாகக் காவல்துறையிடம் பொய் புகாரளித்துள்ளார். சம்பவ இடத்திற்கு வந்த அதிகாரிகள், மரணக் காயங்களுடன் “என்னால் மூச்சுவிட முடியவில்லை” என்று கதறிய நோவாக்கின் பேச்சைப் புறக்கணித்து, தாக்குதல் குற்றத்திற்காக அவருக்குக் கைவிலங்கிட்ட உடல் கேமரா காணொளி தற்போது வெளியாகி மக்கள் மத்தியில் கடும் சீற்றத்தைத் தூண்டியுள்ளது.

இங்கிலாந்து நீதிமன்றத்தில் நடைபெற்ற விசாரணையில், டிக்வா கூறியது முற்றிலும் பொய் எனத் தீர்க்கப்பட்டு, அவருக்கு 21 ஆண்டுகள் சிறைத்தண்டனையுடன் ஆயுள் தண்டனை விதிக்கப்பட்டது. மேலும், அவருக்கு உடந்தையாக இருந்த அவரது தாயார் கிரண் கவுரும் குற்றவாளியாக அறிவிக்கப்பட்டுள்ளார். இதற்கிடையே, காயமடைந்த நோவாக்கை அதிகாரிகள் நடத்திய விதம் குறித்து பிரிட்டன் பிரதமர் கெய்ர் ஸ்டார்மர் தனது வேதனையைத் தெரிவித்துள்ளதோடு, உளவுத்துறை மற்றும் காவல்துறை நடத்தை அலுவலகம் இதுகுறித்து தீவிர விசாரணையில் இறங்கியுள்ளது.

இந்தக் காணொளி வெளியானதைத் தொடர்ந்து, சவுத்தாம்ப்டன் காவல் நிலையத்திற்கு வெளியே நூற்றுக்கணக்கான மக்கள் திரண்டு “என்னால் மூச்சுவிட முடியவில்லை” என முழக்கமிட்டுக் கலவரத் தடுப்புப் போலீசாருடன் மோதலில் ஈடுபட்டனர். தீவிர வலதுசாரித் தலைவர்கள் இதனை ‘இரு அடுக்குக் காவல்’ முறைக்கு உதாரணம் எனக் கூறி அரசியல் பதற்றத்தை ஏற்படுத்த முயன்றாலும், “இந்தத் துயரச் சம்பவத்தை சமூகங்களை ஒன்றுக்கொன்று எதிராகத் திருப்புவதற்குப் பயன்படுத்தக் கூடாது” என உள்துறைச் செயலாளர் ஷபானா மஹ்மூத் மற்றும் பாதிக்கப்பட்ட மாணவரின் தந்தை மார்க் நோவாக் ஆகியோர் அமைதி காக்குமாறு வலியுறுத்தியுள்ளனர்.