தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. ஒரு பக்கம் கூட்டணி பேச்சு வார்த்தை மறுபக்கம் தேர்தல் பிரச்சாரம் என தீவிரம் காட்டி வருகின்றன. அதிமுக மற்றும் திமுக இடையே போட்டி என்ற நிலை மாறி தற்போது விஜயும் களத்தில் இறங்கியுள்ளதால் 2026 தேர்தல் களம் பரபரப்பாக பார்க்கப்படுகிறது. இதனிடையே இன்னும் ஒரு சில கட்சிகள் கூட்டணி குறித்து எந்த ஒரு அறிவிப்பையும் வெளியிடாமல் உள்ள நிலையில் முக்கிய கட்சிகளை தங்கள் வசம் இழுக்க பாஜக திட்டம் தீட்டி வருகிறது.
ஆனால் அதற்கெல்லாம் இடம் கொடுக்காமல் திமுக மேலும் தனது கூட்டணியை பலப்படுத்தும் நோக்கத்தில் முக்கிய கட்சிகளை தங்கள் கூட்டணியில் இணைத்து வருகின்றது. இதனிடையே சட்டப்பேரவை தேர்தலில் திமுகவுடன் ராமதாஸ் கூட்டணிக்கு சம்மதம் கூறியிருப்பதாக தகவல் வெளியாகி உள்ளது. தேர்தல் நெருங்கி வரும் நிலையில் பாமக யாருடன் கூட்டணி அமைக்கும் என எதிர்பார்ப்பு இருந்தது. இபிஎஸ் ராமதாசை சந்தித்து பல மணி நேரம் பேசினார். பிறகு பாமக -அதிமுக கூட்டணி இணையும் என கூறப்பட்டு வந்த நிலையில் ராமதாஸ் சைலண்டாக சில நிபந்தனைகளுடன் திமுகவுக்கு ஓகே சொல்லி இருப்பதாக தகவல் வெளியாகி உள்ளது. இது அன்புமணி தரப்பினருக்கு அதிர்ச்சியை ஏற்படுத்தியுள்ளது.