இந்த காலத்துல இப்படியொரு ஆளா..? தினமும் காலையில் பைக்கில் வந்து… சாலையோரம் நிற்கும் செடிகளுக்கு தண்ணீர் ஊற்றும் நபர்.. இணையத்தை ஆக்கிரமித்த வீடியோ..!

ஒரு மனிதர் சமூகத்திற்கும் இயற்கைக்கும் ஆற்றும் இந்த அமைதியான சேவை அனைவரின் கவனத்தையும் ஈர்த்துள்ளது. ஒவ்வொரு நாள் காலையிலும்,  நபர் ஒருவர் சாலைத் தடுப்புகளில் (Road Divider) உள்ள செடிகளுக்குத் தண்ணீர் ஊற்றுவதை ஒரு வழக்கமாக வைத்துள்ளார். சுட்டெரிக்கும் வெயிலில் வாடும் அந்தச் செடிகளின் தாகத்தைத் தணிக்க, அவர் எவ்வித விளம்பரமும் இன்றி மௌனமாகச் செயல்படுகிறார்.

“உண்மையான சேவைக்கு ரசிகர்கள் தேவையில்லை” என்பதை இவரது செயல் நிரூபித்துக் கொண்டிருக்கிறது. சுற்றுச்சூழல் மீதான அக்கறை என்பது வெறும் பேச்சோடு நின்றுவிடாமல், செயலில் காட்டப்பட வேண்டும் என்பதற்கு இவர் ஒரு சிறந்த உதாரணம். எந்த ஒரு சத்தமும் இன்றி, எந்த ஒரு நாடகமும் இன்றி, தனது பொறுப்பைச் சரியாகச் செய்யும் இந்த ‘நிஜ ஹீரோ’ சமூக வலைதளங்களில் பலரது பாராட்டுக்களைப் பெற்று வருகிறார்.