அய்யய்யோ… என்ன கொடுமை இது… ஆம்புலன்ஸில் இருந்து திடீரென… கீழே விழுந்த நோயாளி… YCMH மருத்துவமனை நிர்வாகத்தின் அலட்சியத்தால் பரபரப்பு… இணையத்தில் கொந்தளிக்கும் நெட்டிசென்கள்…!

பிம்ப்ரி-சின்ச்வாட் மாநகராட்சிக்குட்பட்ட யஷ்வந்த்ராவ் சவான் நினைவு மருத்துவமனை இயக்கிய ஆம்புலன்ஸில் இருந்து, அடையாளம் தெரியாத நோயாளி ஒருவர் ஞாயிற்றுக்கிழமை தற்செயலாக கீழே விழுந்த சம்பவம் பெரும் அதிர்ச்சியை ஏற்படுத்தியுள்ளது. மருத்துவமனை வளாகத்திற்குள்ளேயே நடந்த இந்த விபத்து பொதுமக்கள் மத்தியில் பீதியை ஏற்படுத்தியதுடன், நோயாளிகளை ஏற்றிச் செல்லும் போது பின்பற்றப்பட வேண்டிய பாதுகாப்பு முறைகள் குறித்த கடுமையான கேள்விகளையும் எழுப்பியுள்ளது.

ஆம்புலன்ஸின் கதவு முறையாக மூடப்பட்டிருந்ததா அல்லது அவசரகாலப் போக்குவரத்தின் போது உரிய மருத்துவப் பணியாளர்கள் உடன் இருந்தனரா என்ற கோணத்தில் தற்போது விமர்சனங்கள் எழுந்துள்ளன. இந்தச் சம்பவம் தொடர்பான காட்சிகள் அங்கு கூடிருந்த பொதுமக்களின் கைபேசி கேமராக்களில் தெளிவாகப் பதிவாகி, சமூக வலைத்தளங்களில் வேகமாகப் பரவி வருகிறது.

இதனைத் தொடர்ந்து, மருத்துவமனை நிர்வாகம் மற்றும் ஆம்புலன்ஸ் சேவை வழங்குநர்களின் அலட்சியம் குறித்து உரிய விசாரணை நடத்த வேண்டும் என்றும், எதிர்காலத்தில் இதுபோன்ற ஆபத்தான நிகழ்வுகள் நடக்காமல் இருக்க கடுமையான பாதுகாப்பு வழிகாட்டுதல்களை நடைமுறைப்படுத்த வேண்டும் என்றும் சமூக ஆர்வலர்கள் கோரிக்கை விடுத்துள்ளனர்.