ஐயோ… என்ன கொடுமை இது… ஆம்புலன்ஸ் கதவு திறந்து… சாலையில் சரிந்து விழுந்த நோயாளி ஸ்ட்ரெச்சர்… ஊழியர்களின் அலட்சியத்தால் நேர்ந்த திக் திக் நிமிடம்… இணையத்தில் வீடியோ வைரல்…!

புனே அருகே இயங்கிக் கொண்டிருந்த அவசர ஆம்புலன்ஸ் நோயாளி படுத்திருந்த ஸ்ட்ரெச்சர் நழுவிச் சாலையில் விழுந்ததைத் தொடர்ந்து, சம்பந்தப்பட்ட தனியார் ஒப்பந்த நிறுவனத்தின் இரண்டு ஊழியர்கள் மீது நடவடிக்கை எடுக்குமாறு யஷ்வந்த்ராவ் சவான் நினைவு மருத்துவமனை நிர்வாகம் உத்தரவிட்டுள்ளது.

கால் வீக்கம் மற்றும் தொற்று காரணமாக ஆதரவற்ற நிலையில் சிகிச்சை பெற்று வந்த அந்த நோயாளி, கூடுதல் சிகிச்சைக்காகச் சாசூன் மருத்துவமனைக்கு மாற்றப்பட்டபோது இந்த விபத்து நேர்ந்துள்ளது. ஊர்தியின் பின் கதவு சரியாக மூடப்படாததும், ஸ்ட்ரெச்சர் உரிய முறையில் பூட்டப்படாததும் இதற்குக் காரணம் என மருத்துவமனை முதல்வர் டாக்டர் ராஜேந்திர வபிள் உறுதிப்படுத்தியுள்ளார்.

நாற்றத்தின் காரணமாக ஊர்தி ஓட்டுநரின் அருகில் அமர்ந்திருந்த ஊழியர் தனது கடமையில் கவனக்குறைவாக இருந்ததாகவும், ஓட்டுநர் கதவைச் சரியாக மூடுவதில் அலட்சியமாகச் செயல்பட்டதாகவும் கண்டறியப்பட்டுள்ளது. அதிர்ஷ்டவசமாக நோயாளி காயமின்றித் தப்பியுள்ள நிலையில், எதிர்காலத்தில் இது போன்ற பாதுகாப்புத் தவறுகள் நிகழாமல் இருக்க மருத்துவமனை நிர்வாகம் கடுமையான எச்சரிக்கைகளைப் பிறப்பித்துள்ளது.