“இந்தியாவுக்குள்ள வந்துட்டேன்” என ரீல் சுற்றிய பாகிஸ்தான் பெண்.. ஆனா எல்லாமே பொய்யா கோபால்..? நெட்டிசன்கள் கொடுத்த மரண அடி…!

பாகிஸ்தானைச் சேர்ந்த ஊடகவியலாளர் ஒருவர், கசூர் அருகே உள்ள கண்டா சிங் எல்லைப் பகுதியில் நின்று கொண்டு, தான் மிக எளிதாக இந்திய எல்லைக்குள் நுழைந்துவிட்டதாகக் கூறி வீடியோ ஒன்றை வெளியிட்டார். அந்த வீடியோவில், எல்லையில் எந்தவிதக் கடுமையான பாதுகாப்பும் இல்லை என்றும், தான் சர்வசாதாரணமாக இந்திய மண்ணில் காலடி எடுத்து வைத்துவிட்டதாகவும் அவர் பெருமையுடன் பேசினார். இந்த வீடியோ சமூக வலைதளங்களில் வைரலாகி பெரும் விவாதத்தை ஏற்படுத்தியது.

இந்த வீடியோவைப் பார்த்த இந்திய மற்றும் பாகிஸ்தான் நெட்டிசன்கள் அந்த ஊடகவியலாளரை கடுமையாகச் சாடினர். அவர் எல்லைக் கோட்டைத் தாண்டவில்லை என்றும், இரு நாடுகளுக்கும் இடையிலான ‘நோ மேன்ஸ் லேண்ட்’ எனப்படும் பொதுவான பகுதியிலேயே நின்று கொண்டு பொய்ப் பிரச்சாரம் செய்வதாகவும் மக்கள் சுட்டிக்காட்டினர். தவறான தகவல்களைப் பரப்பி மலிவான விளம்பரம் தேட முயற்சிப்பதாக அவர் மீது பலரும் விமர்சனங்களை முன்வைத்தனர்.

சர்வதேச எல்லைப் பகுதிகளில் இரு நாடுகளும் மிகக் கடுமையான பாதுகாப்பை வைத்திருக்கும் நிலையில், ஒரு தனிநபர் அவ்வளவு எளிதாக எல்லையைத் தாண்டிவிட முடியாது என்பதைப் பாதுகாப்பு வல்லுநர்கள் உறுதிப்படுத்தினர். அந்தப் பெண் நின்றிருந்த இடம் எல்லையின் ஒரு பகுதிதானே தவிர, அது இந்திய எல்லைக்குள் ஊடுருவியதாகக் கருத முடியாது. தவறான தகவல்களைப் பரப்பி பதற்றத்தை உருவாக்க முயன்ற அந்த ஊடகவியலாளரின் செயல் பொறுப்பற்றது எனப் பலரும் கருத்துத் தெரிவித்து வருகின்றனர்.