பகீர் !… நாய்களை விரட்டியது குத்தமா?… மகளின் கண்முன்னே தந்தையை சரமாரியாக தாக்கிய உரிமையாளர்கள்… வைரல் வீடியோ…!!

தன்னுடைய மகளை ஸ்கூட்டியில் அழைத்துச் சென்ற ஒரு நபரை, இரண்டு வளர்ப்பு நாய்கள் மற்றும் இரண்டு தெரு நாய்கள் என நான்கு நாய்கள் விடாமல் துரத்தி அச்சுறுத்திய சம்பவம் பெரும் பரபரப்பை ஏற்படுத்தியுள்ளது. நாய்களின் ஆக்ரோஷத்தைக் கண்டு பயந்துபோன அந்த நபர், வேகமெடுத்தால் தனது மகளின் பாதுகாப்புக்கு ஆபத்து நேரிடும் எனக் கருதி ஸ்கூட்டியை நிறுத்தியுள்ளார். நாய்களிடமிருந்து தற்காத்துக் கொள்ள அவர் முயன்றபோது, அங்கு வந்த வளர்ப்பு நாய்களின் உரிமையாளர்கள் நாய்களைக் கட்டுப்படுத்த முன்வராமல், மாறாக அந்த நபரைச் சரமாரியாகத் தாக்கத் தொடங்கினர். தன் கண்முன்னே தந்தை கொடூரமாகத் தாக்கப்படுவதைக் கண்டு அந்தச் சிறுமி கதறி அழுத காட்சி அங்கிருந்தவர்களைக் கலங்க வைத்தது.

நாய்களின் உரிமையாளர்களின் இந்த அராஜகப் போக்கு சமூக வலைதளங்களில் கடும் கண்டனத்திற்கு உள்ளாகி வருகிறது. ஒரு மனித உயிருக்கும், குழந்தையின் மனநிலைக்கும் மதிப்பளிக்காமல் நாய்களுக்காக வன்முறையில் ஈடுபட்ட உரிமையாளர்களின் செயல் அதிர்ச்சியை ஏற்படுத்தியுள்ளது. “சமூகத்தில் நாய்கள் முக்கியமா அல்லது மனித உயிர் முக்கியமா?” என நெட்டிசன்கள் கேள்வி எழுப்பி, இந்த வீடியோவை வைரலாக்கி வருகின்றனர். பொது இடங்களில் வளர்ப்பு நாய்களைக் கவனக்குறைவாகக் கையாளுபவர்கள் மீதும், அத்துமீறி தாக்குதல் நடத்தியவர்கள் மீதும் கடுமையான சட்ட நடவடிக்கை எடுக்க வேண்டும் எனப் பலரும் வலியுறுத்தி வருகின்றனர்.