தமிழகத்தில் ரேஷன் கார்டு வைத்துள்ள பயனாளிகள் அனைவருக்கும் ரேஷன் கடைகள் மூலமாக இலவசமாக அரிசியும், மற்ற பொருட்கள் மலிவு விலையிலும் வழங்கப்பட்டு வருகின்றது. அதேசமயம் ரேஷன் கார்டு வைத்துள்ள பயணிகளுக்கு அரசு சார்பிலும் ஏராளமான நிதி உதவிகள் வழங்கப்படுகின்றன. குறிப்பாக மகளிர் உரிமைத்தொகை பெறுவதற்கு கூட ரேஷன் கார்டு என்பது மிக முக்கியமான ஆவணமாக உள்ளது. தமிழகத்தில் சுமார் 2.26 கோடி ரேஷன் அட்டைதாரர்களுக்கு பொது விநியோகத் திட்டம் மூலம் அத்தியாவசிய பொருள்கள் வழங்கப்பட்டு வருகின்றது.
இந்நிலையில் ஆதார் மற்றும் ரேஷன் அட்டையின் விவரங்களை சரிபார்க்கும் E-KYC முறையை செய்து முடிக்க வேண்டும் என்று உத்தரவிடப்பட்டுள்ளது. இதற்கு, TNPDS போர்ட்டலில் உள்நுழைந்து e-KYC என்பதை கிளிக் செய்ய வேண்டும். ரேஷன் கார்டு எண் மற்றும் ஆதார் எண்ணை உள்ளிடவும் பிறகு பதிவு செய்யப்பட்ட மொபைல் எண்ணுக்கு அனுப்பப்படும் OTP-ஐ உள்ளிட வேண்டும். ஆக. 31-க்குள் இதை செய்யவில்லை எனில் உங்கள் ரேஷன் கார்டு செயலிழந்து போக வாய்ப்பு உள்ளது.