ஒரே நாளில் 400+ நிர்வாகிகள் அவுட்… ஓபிஎஸ்-க்கு விழுந்த அடுத்த அடி…. செம கொண்டாட்டத்தில் எடப்பாடி….!

ஓபிஎஸ்  தனது அரசியல் நிலைப்பாட்டைத் தெளிவுபடுத்தாமல் காலதாமதம் செய்து வருவதால், அவரது தீவிர ஆதரவாளர்கள் மற்றும் தொண்டர்கள் தற்போது மாற்றுப் பாதையைத் தேடிச் செல்லத் தொடங்கியுள்ளனர். ஓபிஎஸ் தரப்பு காட்டும் மந்தமான போக்கினால் அதிருப்தியடைந்த நிர்வாகிகள், தங்கள் அரசியல் எதிர்காலத்தைக் கருத்தில் கொண்டு அதிமுக, திமுக மற்றும் தவெக போன்ற கட்சிகளில் இணைந்து வருகின்றனர். குறிப்பாக, போடி மற்றும் சிவகங்கை பகுதிகளில் ஓபிஎஸ்ஸுக்கு இருந்த செல்வாக்கு தற்போது சரிவைச் சந்தித்துள்ளதை இந்த அணிமாற்றங்கள் வெளிச்சம் போட்டுக் காட்டுகின்றன.

இந்த அரசியல் மாற்றத்தின் ஒரு பகுதியாக, ஓபிஎஸ்-ன் சொந்தத் தொகுதியான போடியைச் சேர்ந்த 300-க்கும் மேற்பட்டோரும், கன்னிசேர்வைபட்டியைச் சேர்ந்த 120-க்கும் மேற்பட்ட ஆதரவாளர்களும் எடப்பாடி பழனிசாமி தலைமையிலான அதிமுகவில் தங்களை இணைத்துக் கொண்டனர். அதேபோல், சிவகங்கை மாவட்டத்திலும் கணிசமான எண்ணிக்கையிலான ஓபிஎஸ் ஆதரவாளர்கள் அதிமுகவில் இணைந்தது அவரது கூடாரத்தைப் பலவீனப்படுத்தியுள்ளது. “தாய்க்கழகமே சிறந்தது” என்ற மனநிலையில் தொண்டர்கள் மீண்டும் அதிமுகவை நோக்கித் திரும்புவது, வரும் தேர்தல்களில் ஓபிஎஸ் தரப்பிற்குப் பெரும் பின்னடைவை ஏற்படுத்தும் எனக் கருதப்படுகிறது.