திடீர் திருப்பம்…. ஓபிஎஸ்ஸுக்கு அழைப்பு விடுத்த விஜய்… தமிழக அரசியலில் அடுத்த பரபரப்பு…!

முன்னாள் அதிமுக மாவட்டச் செயலாளரும், தற்போது தமிழக வெற்றிக் கழகத்தில் (தவெக) இணைந்திருப்பவருமான கவிதா ராஜேந்திரன், முன்னாள் முதல்வர் ஓ. பன்னீர்செல்வம் விரைவில் தவெக-வில் இணைவார் என்று தெரிவித்துள்ளார். அரியலூரில் செய்தியாளர்களிடம் பேசிய அவர், ஓ.பி.எஸ். தற்போது ஒரு நிலையான முடிவை எடுக்க முடியாமல் தவித்து வருவதாகவும், இருப்பினும் அவர் நிச்சயம் நடிகர் விஜய்யின் தலைமையிலான தவெக-வில் இணைவார் என்ற நம்பிக்கை தனக்கு உள்ளதாகவும் கூறினார்.

மேலும், ஓ.பி.எஸ்-ஐ தமிழக வெற்றிக் கழகத்தின் தலைவர் விஜய் ஏற்கனவே முறைப்படி அழைத்துள்ளதாகவும் கவிதா ராஜேந்திரன் சுட்டிக்காட்டினார். சில அரசியல் நிர்பந்தங்கள் காரணமாகவே அவர் தற்போது தயக்கம் காட்டி வருவதாகவும், அந்தத் தடைகள் இல்லையெனில் கடந்த ஜனவரி 1-ஆம் தேதியே அவர் கட்சியில் இணைந்திருப்பார் என்றும் அவர் குறிப்பிட்டார். இந்தத் தகவல் தமிழக அரசியல் வட்டாரத்தில், குறிப்பாக அதிமுக மற்றும் தவெக தொண்டர்களிடையே பெரும் பரபரப்பை ஏற்படுத்தியுள்ளது.