ஐயோ… நாய் துரத்துதே… பதறியடித்து வண்டியை முடுக்கிய செவிலியர்… நிலைதடுமாறி விழுந்த மாணவி பரிதாப பலி… ஹல்தவானியில் நடந்த சோகம்…!

ஹல்தவானி கம்லுவாகஞ்சா சாலையில் கடந்த செப்டம்பர் 14 அன்று மாலையில் ஒரு சோகமான சம்பவம் நிகழ்ந்தது. செவிலியர் பயிற்சி மாணவியான கஞ்சன் பாண்டே, தனது கல்லூரியிலிருந்து வீட்டிற்கு இருசக்கர வாகனத்தில் சென்று கொண்டிருந்தார். அப்போது, அப்பகுதியில் இருந்த தெருநாய் ஒன்று எதிர்பாராதவிதமாக அவரது வாகனத்தைப் பின்தொடர்ந்து துரத்தத் தொடங்கியது.

நாயிடமிருந்து தப்பிப்பதற்காக கஞ்சன் பாண்டே தனது வாகனத்தின் வேகத்தை திடீரென அதிகரித்தார். இதனால் கட்டுப்பாட்டை இழந்த ஸ்கூட்டர் சாலையில் சறுக்கி விழுந்து விபத்துக்குள்ளானது. இந்த விபத்தில் அவருக்குக் கடுமையான காயங்கள் ஏற்பட்டன.

அங்கிருந்த மக்கள் உடனடியாக அவரை மீட்டு, முக்கானியில் உள்ள ஒரு தனியார் மருத்துவமனையில் சிகிச்சைக்காகச் சேர்த்தனர். அங்கு அவருக்குத் தீவிர சிகிச்சை அளிக்கப்பட்டு வந்த நிலையில், புதன்கிழமை இரவு சுமார் 9 மணியளவில் கஞ்சன் பாண்டே சிகிச்சைப் பலனின்றி உயிரிழந்தார்.