திக் திக்… செவிலியர் மீது ஆசிட் வீசி அரிவாள் வெட்டு… கணவனின் வெறிச்செயல்… தடுக்க வந்த போலீசாருக்கு காயம்… பெங்களூருவை நடுங்க வைக்கும் கொடூரம்…!

பெங்களூரில் வியாழக்கிழமை காலை 9.15 மணியளவில் 26 வயதான மதுமிதா என்ற செவிலியர் மீது அவரது கணவர் வெங்கடேஷ் என்பவர் கொடூரத் தாக்குதல் நடத்தியுள்ளார். கொல்கத்தாவைச் சேர்ந்த மதுமிதா, தான் பணிபுரியும் தனியார் கிளினிக்கிலிருந்து காலை உணவிற்காக வெளியே வந்தபோது, மோட்டார் சைக்கிளில் காத்திருந்த வெங்கடேஷ் அவரைத் துரத்திச் சென்று ஆசிட் ஊற்றியுள்ளார். பின்னர், அவரது முடியைப் பிடித்து அரிவாளால் சரமாரியாக வெட்டியுள்ளார். 2024-இல் திருமணமான இவர்கள், குடும்பத் தகராறு காரணமாகக் கடந்த ஓராண்டாகப் பிரிந்து வாழ்ந்து வந்ததாகக் காவல்துறையினர் தெரிவித்துள்ளனர்.

பொதுமக்கள் நடமாட்டம் நிறைந்த பகுதியில் நடைபெற்ற இந்தச் சம்பவம் பெரும் பரபரப்பை ஏற்படுத்தியது. மதுமிதாவின் அலறல் சத்தம் கேட்டு உதவிக்கு வந்த மக்களை, வெங்கடேஷ் அரிவாளைக் காட்டி மிரட்டியுள்ளார். பொதுமக்கள் சிலர் அவர் மீது கற்களை வீசித் தாக்குதலைத் தடுக்க முயன்ற போதிலும் அவரை வீழ்த்த முடியவில்லை. ஆபத்தான நிலையில் உள்ள மதுமிதா, தற்போது தனியார் மருத்துவமனையின் தீவிர சிகிச்சைப் பிரிவில் அனுமதிக்கப்பட்டு உயிருக்குப் போராடி வருகிறார்.

https://twitter.com/HateDetectors/status/2100547817555046676/video/1

அப்போது அருகில் போக்குவரத்துப் பணியில் ஈடுபட்டிருந்த காவல் சார்பு ஆய்வாளர் உடனடியாகச் சம்பவ இடத்திற்கு விரைந்து வந்தார். தாக்குதலில் ஈடுபட்ட வெங்கடேஷ், அந்த அதிகாரி மீதும் அரிவாளால் தாக்குதல் நடத்த முயன்றார். எனினும், லத்தியைப் பயன்படுத்திச் சாமர்த்தியமாகச் செயல்பட்ட அந்த அதிகாரி, வெங்கடேஷின் கையிலிருந்த ஆயுதத்தைக் கீழே தட்டி அவரைப் பிடித்துக் கைது செய்தார். பொதுமக்களால் பதிவு செய்யப்பட்ட வீடியோக்களைக் கைப்பற்றியுள்ள காவல்துறையினர், இந்தத் தாக்குதலின் பின்னணியிலுள்ள முழுமையான காரணத்தைக் கண்டறிய வெங்கடேஷிடம் விசாரணை நடத்தி வருகின்றனர்.