திடீர் திருப்பம்… பாஜகவில் இணையும் முக்கிய புள்ளி… நயினாருடன் சந்திப்பு… செம ஷாக்கில் சீமான்…!

தமிழகத்தில் 2026 ஆம் ஆண்டு சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே இருப்பதால் அனைத்து அரசியல் கட்சிகள் தீவிரம் தேர்தல் பணியில் ஈடுபட்டு வருகின்றன. அதேசமயம் கூட்டணி குறித்த பேச்சு வார்த்தையும் ஒரு பக்கம் நடந்து கொண்டிருக்க மறுப்பக்கம் மாற்று கட்சியினரை தங்கள் கட்சியில் இணைக்கும் பணியும் மும்முரமாக நடந்து கொண்டிருக்கிறது. குறிப்பாக பாஜக இந்த முறை எப்படியாவது தங்கள் ஆட்சியை தமிழகத்தில் நிலைநாட்டி விட வேண்டும் என்ற எண்ணத்தில் செயல்பட்டு வருவதால் அதிமுகவுடன் கூட்டணி அமைத்துள்ளது. அதேசமயம் விஜயை தங்கள் பக்கம் எடுக்கவும் முயற்சித்து வருகிறது.

இந்நிலையில் நாம் தமிழர் கட்சியிலிருந்து விலகிய காளியம்மாள் எந்த கட்சியில் சேருவார் என்ற எதிர்பார்ப்பு தொடர்ந்து இருந்து வருகிறது. அவர் விஜய் முன்னிலையில் தமிழக வெற்றிக்கழகம் கட்சியில் இணைவார் என தகவல் வெளியானாலும் அதற்கு பதிலளிக்காமல் இருந்து வருகிறார். இப்படியான நிலையில் நெல்லையில் பாஜக மாநில தலைவர் நயினார் நாகேந்திரனை இன்று காளியம்மாள் சந்தித்துள்ளார். இதனைத் தொடர்ந்து அவர் பாஜகவில் இணைகிறார் என்ற கேள்வி எழுந்த நிலையில் இது மரியாதை நிமித்தமான சந்திப்பு என்று கூறியுள்ளார். இருந்தாலும் திடீர் சந்திப்பு தமிழக அரசியல் வட்டாரத்தில் பரபரப்பை கிளப்பியுள்ளது.