தமிழக வெற்றிக் கழகத்தின் தலைவரும், நடிகருமான விஜய் மற்றும் அவரது மனைவி சங்கீதா இடையேயான விவாகரத்து விவகாரம் தற்போது தமிழக அரசியலில் பெரும் பரபரப்பை ஏற்படுத்தியுள்ளது. மார்ச் தொடக்கத்தில் சங்கீதா திடீரென செய்தியாளர்களைச் சந்தித்து, தனது விவாகரத்து மனுவில் உள்ள குற்றச்சாட்டுகள் குறித்து வெளிப்படையாகப் பேசத் திட்டமிட்டதாகத் தெரிகிறது. ஆனால், இந்தத் தகவல் அறிந்த தவெக தரப்பு, கட்சித் தலைமையின் இமேஜ் பாதிக்கப்படக்கூடாது என்பதற்காக அந்தப் பத்திரிகையாளர் சந்திப்பைத் தடுத்து நிறுத்த தீவிர முயற்சிகளை மேற்கொண்டதாகத் தகவல்கள் தெரிவிக்கின்றன.
கட்சி ஆரம்பித்து 2026 தேர்தலைச் சந்திக்கத் தயாராகி வரும் இந்தச் சூழலில், விஜய்யின் குடும்ப விவகாரங்கள் பொதுவெளியில் விவாதிக்கப்படுவது பின்னடைவை ஏற்படுத்தும் என அவரது நெருங்கிய வட்டாரங்கள் கவலை கொண்டுள்ளன. இதனால் சங்கீதாவிடம் பேச்சுவார்த்தை நடத்த கட்சியின் முக்கிய நிர்வாகிகள் அனுப்பப்பட்டதாகவும், “ஆபரேஷன் சைலன்ஸ்” என்ற பெயரில் அவர் மீடியாக்களிடம் பேசுவதைத் தவிர்க்குமாறு அறிவுறுத்தப்பட்டதாகவும் கூறப்படுகிறது. அரசியல் காரணங்களுக்காக இந்த விவகாரத்தைச் சுமூகமாக முடிக்க விஜய் தரப்பு விரும்புவதே இதற்கு முக்கியக் காரணமாகச் சொல்லப்படுகிறது.
இந்தச் சமரசப் பேச்சுவார்த்தையின் ஒரு பகுதியாக, ஏற்கனவே பேசப்பட்ட ஜீவனாம்சத் தொகையை விட கூடுதல் தொகையை வழங்க விஜய் தரப்பு சம்மதம் தெரிவித்துள்ளதாகக் கூறப்படுகிறது. சங்கீதா தரப்பில் கேட்கப்பட்ட வாழ்க்கைப் படி (Living Allowance) மற்றும் இதர கோரிக்கைகளை ஏற்றுக்கொண்டு, கோடிக்கணக்கான ரூபாய்களைக் கூடுதலாக வழங்க ‘க்ரீன் சிக்னல்’ காட்டப்பட்டுள்ளதாகத் தெரிகிறது. செய்தியாளர்களைச் சந்திக்கக் கூடாது என்ற நிபந்தனையின் அடிப்படையிலேயே இந்தச் சமரசத் தூது எகிறி வருவதாக அரசியல் வட்டாரங்களில் கிசுகிசுக்கப்படுகிறது.
சங்கீதா தனது மனுவில், விஜய்க்கும் ஒரு நடிகைக்கும் இடையிலான உறவு குறித்துப் பல்வேறு குற்றச்சாட்டுகளை அடுக்கியுள்ளார். 2021-ல் இந்த விவகாரம் தனக்குத் தெரிந்ததாகவும், இதனால் தான் மிகுந்த மன உளைச்சலுக்கு ஆளானதாகவும் அவர் குறிப்பிட்டுள்ளார். தற்போது விஜய் தரப்பு அமைதி காத்து இந்த விவகாரத்தை அடக்கப் பார்த்தாலும், சமரசப் பேச்சுவார்த்தையில் உடன்பாடு ஏற்படாவிட்டால் சங்கீதா மீண்டும் செய்தியாளர்களைச் சந்திக்கும் வாய்ப்பு இருப்பதாகத் தெரிகிறது. இது 2026 சட்டமன்றத் தேர்தலில் விஜய்யின் அரசியல் எதிர்காலத்தை எவ்வாறு பாதிக்கும் என்பது மில்லியன் டாலர் கேள்வியாக உள்ளது.