பாமக நிறுவனர் மருத்துவர் எஸ்.ராமதாஸ், கடந்த 1980-ஆம் ஆண்டு முதல் தீவிர அரசியலில் ஈடுபட்டு வந்த நிலையில், தனது 88-வது பிறந்தநாள் விழாவில் அரசியல் துறவறம் பூணப்போவதாக அறிவித்து அனைவரையும் ஆச்சரியத்தில் ஆழ்த்தினார். இதனைத் தொடர்ந்து, அவரது தைலாபுரம் தோட்டத்து இல்லத்திற்கு அவரைச் சந்திக்க வரும் ஆதரவாளர்களும் தலைவர்களும் தொடர்ந்து அரசியல் குறித்தே பேசி வந்ததால், தற்போது வீட்டின் நுழைவு வாயிலிலேயே ‘பார்வையாளர்கள் தயவு செய்து அரசியல் பேச வேண்டாம்’ என்ற அறிவிப்பு பலகை வைக்கப்பட்டுள்ளது.
பல தசாப்தங்களாகத் தமிழக அரசியலில் முக்கிய திருப்புமுனைகளை ஏற்படுத்திய ஒரு தலைவரின் இல்ல வாசலில் வைக்கப்பட்டுள்ள இந்த அறிவிப்புப் பலகை, தற்போது அரசியல் வட்டாரத்திலும் பொதுமக்களிடையேயும் பெரும் கவனத்தையும் பரபரப்பையும் ஏற்படுத்தியுள்ளது.