சென்னை கூடுவாஞ்சேரியில் ஒடிசா மாநிலத்தைச் சேர்ந்த ஹயாத்துன் நிஷா என்ற பெண் கொடூரமாகக் கொலை செய்யப்பட்ட வழக்கில், அவரது காதலன் மணிக் உத்தீன் லஸ்கர் மற்றும் அவரது மனைவி பகவதி மாஜி ஆகியோரைத் தனிப்படை போலீசார் அதிரடியாகக் கைது செய்துள்ளனர். சட்டவிரோத உறவு காரணமாக ஏற்பட்ட தகராறில், நிஷாவுக்கு உணவில் விஷம் வைத்துக் கொன்றுள்ளனர். பின்னர் சடலத்தை வெளியே எடுத்துச் செல்ல முடியாததால், யூடியூப் உதவியுடன் உடலை பல துண்டுகளாக வெட்டி, வினிகர் மற்றும் ரசாயனங்களைப் பயன்படுத்தி பிரியாணி பாத்திரத்திலும் பிளாஸ்டிக் பைகளிலும் அடைத்துள்ளனர். தொடர்ந்து எலும்புகளை டிராலி பெட்டியில் திணித்து, சென்னை சென்ட்ரல் ரயில் நிலையத்திலிருந்து தமிழ்நாடு எக்ஸ்பிரஸ் கழிவறை அருகே வீசிவிட்டு தப்பியுள்ளனர்.
கொலை சம்பவத்திற்குப் பிறகு தம்பதியினர் இருவரும் நக்சல் ஆதிக்கம் நிறைந்த மணிப்பூர் மாநிலத்தின் ஜிரிபாம் பகுதிக்குத் தப்பிச் சென்று பதுங்கினர். குற்றவாளிகளைப் பிடிக்கக் கூடுவாஞ்சேரி தனிப்படை போலீசார் மணிப்பூர் விரைந்தனர். எனினும், அப் பகுதி பாதுகாப்பு அற்றது என்பதால், ஏ.கே.47 துப்பாக்கி ஏந்திய மணிப்பூர் அதிரடிப் படையினரின் உதவியை நாடினர். போலீசார் பதுங்கியிருந்த இடத்தைச் சூழ்ந்தபோது, மணிக் உத்தீன் தப்பியோட முயன்றதால் சூழல் மேலும் சிக்கலானது.
தனிப்படை போலீசார் நேரடியாக மணிக் உத்தீனைத் துரத்தாமல் ஒரு தந்திரமான வியூகத்தைக் கையாண்டனர். உள்ளூர் நபர் ஒருவர் மூலம் மணிக் உத்தீனைத் தொடர்புகொண்டு, பைக்கில் தப்பிச் செல்லுமாறு நம்பவைத்துப் பேச வைத்தனர். அந்த தகவலை நம்பிய மணிக் உத்தீன் மோட்டார் சைக்கிளில் புறப்படவே, அவரது பைக்கின் பதிவு எண் மற்றும் அவர் பயணித்த பாதையைத் துல்லியமாகக் கண்காணித்து, மணிப்பூர் காவல்துறையின் உதவியுடன் சரியான இடத்தில் அவரைச் சுற்றி வளைத்துக் கைது செய்தனர்.
கைதான மணிக் உத்தீனிடம் நடத்திய தீவிர விசாரணையின் அடிப்படையில், பதுங்கியிருந்த அவரது மனைவி பகவதி மாஜியையும் போலீசார் கைது செய்து இருவரையும் சென்னைக்கு அழைத்து வந்தனர். கொல நடந்த கூடுவாஞ்சேரி வீடு மற்றும் சென்ட்ரல் ரயில் நிலையத்திற்கு அழைத்துச் சென்று குற்றத்தை நடித்துக் காட்டச் செய்த போலீசார், கொலைக்குப் பயன்படுத்திய ஆயுதங்களைப் பறிமுதல் செய்தனர். தமிழகத்தை உலுக்கிய இக் கொடூர வழக்கின் குற்றவாளிகளைத் தொலைதூர மணிப்பூரில் வைத்துத் திறம்படப் பிடித்த சென்னை தனிப்படை போலீசாரின் இந்த ஸ்கெட்ச் பெரும் பாராட்டுகளைப் பெற்றுள்ளது.
தேசியவாத காங்கிரஸ் தலைவரும் மூத்த அரசியல்வாதியுமான சரத் பவாருக்கு அண்மையில் ஏற்பட்ட உடல்நலக் குறைவைத் தொடர்ந்து, அவருக்குப் பூரண ஓய்வளிக்க…
குஜராத் மாநிலம் சூரத் பகுதியில், வாங்கிய கடனைத் திருப்பிக் கொடுக்காததால் ஏற்பட்ட தகராறில் சக ஊழியரின் தலையைத் துண்டித்து மயானத்தில்…
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…