தமிழகத்தில் ரேஷன் அட்டை வீட்டிலிருந்தபடியே விண்ணப்பிப்பதற்கும் திருத்தங்களை செய்வதற்கும் அரசு அனுமதிக்கிறது. புதிய ரேஷன் கார்டு பெறுவதற்கு தனி சமையலறையுடன் வசிப்பவர்கள் ஆதார் எண்ணுடன் உணவு வழங்கல் துறையின் பொது விநியோகத் திட்டத்தில் விண்ணப்பிக்க வேண்டும். இந்த இணையதளம் மூலம் உறுப்பினர் சேர்த்தல், முகவரி மாற்றம், குடும்பத் தலைவர் மாற்றம் மற்றும் குடும்ப உறுப்பினர் நீக்கமாகிய சேவைகளுக்கான விண்ணப்பங்கள் செய்யலாம். ரேஷன் அட்டைதாரர்கள் தேவைக்கு ஏற்ப எத்தனை முறை வேண்டுமானாலும் விண்ணப்பிக்கலாம். அதனை அதிகாரிகள் பரிசீலனை செய்து ஒப்புதல் தருவார்கள். இதுதான் நடைமுறையாக இருந்தது.
இதனிடையே மகளிர் உரிமைத்தொகை பெற ரேஷன் கார்டு அவசியம் என்பதால் புதிய ரேஷன் கார்டுக்கு பலரும் விண்ணப்பித்து வருகிறார்கள். இந்நிலையில் உணவுத்துறை, உறுப்பினர் சேர்த்தல், முகவரி மாற்றம், குடும்பத் தலைவர் மாற்றம் மற்றும் உறுப்பினர் நீக்கமாகிய சேவைகளுக்கு ஆண்டுக்கு இரண்டு முறை மட்டுமே விண்ணப்பிக்க முடியும் என்பதை கடைப்பிடிப்பதற்கு முடிவு செய்துள்ளது. இந்த ஒவ்வொரு சேவைக்கும் ஜனவரி முதல் ஜூன் மாதம் வரை ஒரு முறையும் பிறகு ஜூலை முதல் டிசம்பர் மாதம் வரை ஒரு முறையும் விண்ணப்பிக்க முடியும். ஆவணங்களை பதிவிறக்கவும் முடியும் என தெரிவிக்கப்பட்டுள்ளது. இந்த செய்தி ரேஷன் அட்டைதாரர்கள் மத்தியில் அதிர்ச்சியை ஏற்படுத்தியுள்ளது.