ஒரே வாரத்தில் புதிய ரேஷன் கார்டு… தமிழக மக்களுக்கு வெளியான சூப்பர் குட் நியூஸ்…!

தமிழகத்தில் ரேஷன் அட்டை வைத்துள்ள பயனாளிகளுக்கு நியாயவிலை கடைகளில் உணவுப் பொருள்கள் இலவசமாகவும் மலிவு விலையிலும் வழங்கப்படுகின்றன. இதனால் பல லட்சம் மக்கள் பயனடைந்து வருகிறார்கள். இந்த உணவுப் பொருள்களை பெறுவதற்கும் அரசு வழங்கக்கூடிய பல நிதி உதவிகளை பெறுவதற்கும் ரேஷன் அட்டை என்பதை மிக முக்கியமான ஆவணமாக உள்ளது. தற்போது அரசு சார்பில் வழங்கப்பட்டு வரும் மகளிர் உரிமைத்தொகை பெறுவதற்கும் ரேஷன் கார்டு என்பது முக்கியமான ஆவணமாகும். ரேஷன் அட்டை இல்லாதவர்கள் மகளிர் உரிமை தொகைக்கு விண்ணப்பிக்க முடியாது.

எனவே ரேஷன் கார்டு பெறுவதற்காக பல லட்சம் மக்கள் விண்ணப்பித்து காத்திருக்கின்றனர். ஆனால் பல மாதங்கள் ஆகியும் ரேஷன் கார்டு இன்னும் வரவில்லை. இப்படியான நிலையில் ரேஷன் கார்டுக்கு விண்ணப்பித்த ஒரே வாரத்தில் ரேஷன் கார்டு தொடர்பாக விசாரணையை வீட்டிற்கு வந்து விசாரிக்க அதிகாரிகள் தற்போது தொடங்கியுள்ளனர். அடுத்த சில வாரங்களில் ரேஷன் கார்டு கிடைத்துவிடும் என்று தகவல் வெளியாகி உள்ளது. அதன்படி தமிழக அரசு சார்பாக உங்களுடன் ஸ்டாலின் முகாம் தமிழகம் முழுவதும் நடத்தப்பட்டு வரும் நிலையில் இந்த முகாமில் 46 சேவைகளுக்கு தீர்வு கிடைத்து வருகிறது. அதன்படி ரேஷன் கார்டு தொடர்பாக உங்களுடன் ஸ்டாலின் முகாமில் விண்ணப்பித்தவர்களுக்கு உடனடியாக அதிகாரிகள் வீட்டுக்கு வந்து விசாரணை முடிந்து கார்டு கிடைக்கும் வகையில் நடவடிக்கை எடுக்கப்பட்டுள்ளது. எனவே 45 நாட்களுக்குள் ரேஷன் கார்டு வீடு தேடி வந்து விடும் என்று அதிகாரிகள் தகவல் தெரிவித்துள்ளனர்.