COGNIZANT ஐடி நிறுவனம் தன்னுடைய ஊழியர்கள் பணி செய்கிறார்களா? என்பதை தீவிரமாக கண்காணிக்க தொடங்கி இருக்கிறது. இதற்காக PROHANCE போன்ற பணியாளர் மேலாண்மை கருவிகளை பயன்படுத்த தொடங்கி இருக்கிறது. இது போன்ற ஒரு கருவி ஒரு ஊழியர் செயலாற்ற நிலையில் இருக்கும் நேரத்தில் கண்காணிக்கிறது. ஊழியர் பணி புரியும் ஆஃபீஸ் கணிணிகளில் மவுஸ், கீபோர்டை ஐந்து நிமிடங்களுக்கு மேல் பயன்படுத்தாமல் இருந்தால் ஊழியர் வேலை செய்யாமல் உள்ளதாக கருதப்படுகிறார்.
15 நிமிடங்களுக்கு மேல் வேலை செய்யாமல் இருந்தால் ஊழியர் மற்ற வேலையில் பிசியாக இருப்பதாக கருதப்படுகிறார். இந்த கண்காணிப்பு அமைப்பானது ஒவ்வொரு டீமுக்கும் வித்தியாசமாக இருக்கும். இந்த செயல்முறை விமர்சனத்தை ஏற்படுத்தியா நிலையில் இது குறித்து நிறுவனம் விளக்கம் அளித்துள்ளது. அதாவது இந்த கண்காணிப்பு தரவு, ஊழியர் செயல்திறனை மதிப்பிடவும், பதவி உயர்வு மற்றும் போனஸ் போன்ற விஷயங்களுக்காகவும் பயன்படுத்தப்படாது என்று விளக்கம் அளித்துள்ளது.