அமைச்சர் கே.என். நேருவுக்கு புதிய நெருக்கடி… ரூ.365 கோடி லஞ்சம்? அமலாக்கத்துறை அதிரடி அறிக்கை..!!

அமைச்சர் கே.என். நேருவின் உதவியாளர்கள் அரசு அதிகாரிகளின் இடமாற்றத்திற்காகப் பெருமளவில் லஞ்சம் பெற்றதாகக் கூறி, அமலாக்கத்துறை இன்று தமிழக அரசு மற்றும் டிஜிபியிடம் புதிய 99 பக்க அறிக்கையைச் சமர்ப்பித்துள்ளது. சுமார் 340 அதிகாரிகளின் இடமாற்றத்தில் முறைகேடுகள் நடந்துள்ளதாகவும், இதில் ₹365.87 கோடி வரை பணமோசடி தொடர்பான ஆதாரங்கள் இருப்பதாகவும் அந்த அறிக்கையில் தெரிவிக்கப்பட்டுள்ளது.

உதவிப் பொறியாளர்கள் முதல் நகராட்சி பொறியாளர்கள் வரையிலான அதிகாரிகளின் இடமாற்றத்திற்காக ₹7 லட்சம் முதல் ₹1 கோடி வரை லஞ்சம் பெறப்பட்டதாக ED குற்றம் சாட்டியுள்ளது. சுமார் 340 இடமாற்றங்களில் திரட்டப்பட்ட நிதியிலிருந்து ₹365.87 கோடி மதிப்பிலான முதலீடுகள் மற்றும் பணமோசடி நடவடிக்கைகள் குறித்து அமலாக்கத்துறை விரிவான தகவல்களை அளித்துள்ளது. ஏற்கனவே நகராட்சி நிர்வாகம் மற்றும் குடிநீர் வழங்கல் துறையில் ₹1,020 கோடி மதிப்பிலான டெண்டர் ஊழல் மற்றும் வேலைவாய்ப்பு மோசடி தொடர்பாக 258 பக்க அறிக்கையை ED சமர்ப்பித்திருந்தது. இந்த முறைகேடு புகார்கள் குறித்துத் தமிழக அரசு ஏற்கனவே லஞ்ச ஒழிப்புத் துறை விசாரணைக்கு உத்தரவிட்டுள்ளது.