“பெண்களுக்கு பாதுகாப்பே இல்லையா?”… அத்துமீறிய நபர்… நடுரோட்டில் பெண்ணுக்கு நேர்ந்த கொடூரம்… பதற வைக்கும் சிசிடிவி காட்சி…!!

நேபாள தலைநகர் காத்மாண்டுவில் உள்ள பிரபலமான தாமெல் பகுதியில் நடந்த ஒரு அதிர்ச்சியூட்டும் சம்பவம் தற்போது இணையத்தில் வைரலாகி வருகிறது. அங்குள்ள ஒரு சாலையில் நடந்து சென்ற பெண்ணை, அடையாளம் தெரியாத நபர் ஒருவர் வழிமறித்து பாலியல் ரீதியாக துன்புறுத்தியுள்ளார். இந்த முழு சம்பவமும் அங்கு பொருத்தப்பட்டிருந்த சிசிடிவி கேமராவில் பதிவாகி, சமூக வலைத்தளங்களில் பரவலாக பகிரப்பட்டு பெரும் பரபரப்பை ஏற்படுத்தியுள்ளது.

இந்த கொடூரமான நிகழ்வு குறித்து பாதிக்கப்பட்ட அந்த பெண் தனது ஆழ்ந்த வேதனையை வெளிப்படுத்தியுள்ளார். “இந்த சம்பவம் என்னை மனதளவில் மிகவும் காயப்படுத்தியது மட்டுமல்லாமல், இந்த சமூகத்தில் எனக்கு பாதுகாப்பற்ற உணர்வையும் ஏற்படுத்தியுள்ளது” என்று அவர் தெரிவித்துள்ளார். சிசிடிவி பதிவில், அந்த நபர் அப்பெண்ணிடம் தவறாக நடக்க முயல்வதும், அவர் விலகிச் செல்ல போராடுவதும் தெளிவாகப் பதிவாகியுள்ளது. இந்த காட்சிகள் பார்ப்போரை பதைபதைக்க வைத்துள்ளது.

வீடியோ இணையத்தில் வைரலானதை தொடர்ந்து, அந்த நபருக்கு எதிராக நெட்டிசன்கள் மற்றும் பொதுமக்கள் தரப்பில் கடும் கண்டனங்கள் எழுந்துள்ளன. பெண்களுக்கு பொதுவெளியில் பாதுகாப்பற்ற சூழ்நிலை நிலவுவது குறித்து பலரும் தங்களது கவலையை தெரிவித்து வருகின்றனர். மேலும், நேபாள காவல்துறை உடனடியாக இந்த விவகாரத்தில் தலையிட்டு, சிசிடிவி காட்சிகளின் அடிப்படையில் குற்றவாளியை அடையாளம் கண்டு கடுமையான நடவடிக்கை எடுக்க வேண்டும் என்ற கோரிக்கை வலுவடைந்துள்ளது.