பிரபல தொலைக்காட்சியில் ஒளிபரப்பாகும் ‘நீயா நானா’ நிகழ்ச்சி, ஒவ்வொரு வாரமும் சமூகத்தில் விவாதத்திற்குரிய ஒரு தலைப்பை எடுத்துக்கொண்டு மக்களைச் சிந்திக்க வைப்பதோடு, பல உணர்ச்சிகரமான தருணங்களையும் வெளிப்படுத்தி வருகிறது. அந்த வகையில், இந்த வாரம் ‘சமையல் செய்யும் அப்பாக்கள் vs பிள்ளைகள்’ என்ற தலைப்பில் ஒரு சுவாரஸ்யமான விவாதம் நடைபெற்றது. இதில் கலந்துகொண்ட ஒரு மகள், தனது தந்தை குறித்துப் பகிர்ந்துகொண்ட விஷயம் தற்போது இணையதளங்களில் பேசுபொருளாக மாறியுள்ளது.
நிகழ்ச்சியில் பேசிய அந்தப் பெண், தனது தந்தை கடந்த 18 ஆண்டுகளாகத் தொடர்ந்து சமையல் செய்து வருவதாக நெகிழ்ச்சியுடன் தெரிவித்தார். பொதுவாக வீடுகளில் பெண்கள் சமையல் அறையை கவனிக்கும் நிலையில், இவர் ஏன் சமையல் செய்கிறார் என்ற கேள்விக்கு அந்த மகள் கூறிய பதில் அனைவரையும் வியக்க வைத்தது. “எனது அம்மா உயர்கல்வி பயின்று முன்னேற வேண்டும் என்பதற்காக, குடும்பத்தின் சமையல் பொறுப்பை தந்தை விரும்பி ஏற்றுக்கொண்டார்” என்று அவர் குறிப்பிட்டார். அம்மாவின் கனவுகளுக்குத் தடையாக இல்லாமல், அவருக்குப் உறுதுணையாக இருக்க தந்தை எடுத்த இந்த முடிவு அரங்கத்தில் இருந்த அனைவரையும் நெகிழச் செய்தது.
பெண்கள் முன்னேற்றத்திற்கு ஒரு கணவர் எப்படியெல்லாம் உறுதுணையாக இருக்கலாம் என்பதற்கு இந்தத் தந்தை ஒரு சிறந்த உதாரணமாகத் திகழ்கிறார். வழக்கமான சமூகக் கட்டமைப்புகளைத் தாண்டி, ஒரு பெண்ணின் கல்விக்காகவும் முன்னேற்றத்திற்காகவும் சமையல் அறையைப் பொறுப்பேற்ற அந்தத் தந்தையின் செயலைப் பாராட்டி, அந்த புரோமோ வீடியோ சமூக வலைதளங்களில் மிக வேகமாகப் பகிரப்பட்டு வருகிறது. சமத்துவமான சமூகத்தை உருவாக்குவதில் இதுபோன்ற சிறிய மாற்றங்கள் மிகப்பெரிய தாக்கத்தை ஏற்படுத்தும் என்பதை இந்தத் தருணம் மீண்டும் ஒருமுறை உணர்த்தியுள்ளது.
Instagram இல் இந்தப் பதிவைக் காண்க