மே 3-ஆம் தேதி நடைபெறவுள்ள இளநிலை மருத்துவப் படிப்புகளுக்கான நீட் (NEET-UG) நுழைவுத் தேர்வுக்கான ஹால் டிக்கெட்டுகளை தேசிய தேர்வு முகமை (NTA) தற்போது வெளியிட்டுள்ளது. இந்த ஆண்டு நாடு முழுவதும் சுமார் 28 லட்சத்திற்கும் மேற்பட்ட மாணவர்கள் இத்தேர்விற்கு விண்ணப்பித்துள்ள நிலையில், ஹால் டிக்கெட் வெளியீடு குறித்த பெரும் எதிர்பார்ப்பு நிலவி வந்தது. நேற்று காலையிலேயே இது வெளியாகும் என எதிர்பார்க்கப்பட்ட போதிலும், இறுதியில் மாலை நேரத்தில் அதிகாரப்பூர்வமாக வெளியிடப்பட்டது.
மாணவர்கள் தங்கள் விண்ணப்ப எண் மற்றும் பிறந்த தேதியைப் பயன்படுத்தி <https://neet.nta.nic.in/> என்ற இணையதள முகவரியின் மூலம் ஹால் டிக்கெட்டைத் தரவிறக்கம் செய்து கொள்ளலாம். நீண்ட கால உழைப்பிற்குப் பிறகு தேர்வைச் சந்திக்கவிருக்கும் மாணவச் செல்வங்கள் அனைவரும் பதற்றமின்றித் தேர்வை எதிர்கொண்டு வெற்றி பெற மனமார்ந்த வாழ்த்துகள்!