மீண்டும் புரட்சிக்கரமான ஒரு கேரக்டரில் நடித்து வரும் நடிகை நயன்தாரா… அடுத்த ரவுண்டுக்கு தயாரா? – எதிர்பார்க்கும் தமிழ் சினிமா ரசிகர்கள்!

நடிகை நயன்தாரா இப்போது சுந்தர் சி இயக்கத்தில் மூக்குத்தி அம்மன் 2 என்ற படத்தில் நாயகியாக நடித்து முடித்து இருக்கிறார். இதை தொடர்ந்து அவர் மண்ணாங்கட்டி என்ற படத்தில் நடித்து வருகிறார். இந்த படம் ஒரு கிராமத்தில் வாழும் மக்களின் மூடநம்பிக்கைகளுக்கு எதிரான கருத்தை சொல்லும் ஒரு படமாக இருக்கும் என்று சொல்லப்படுகிறது. இந்த படத்தில் நடிகை நயன்தாரா புரட்சிகரமான வசனங்களை பேசி மக்களின் மூட நம்பிக்கைகளை போக்கும் ஒரு கேரக்டரில் நடிப்பதாக தெரிய வந்துள்ளது.

ஏற்கனவே நயினார் கோபி இயக்கிய அறம் என்ற படத்தில் இதுபோன்ற ஒரு புரட்சிகரமான கேரக்டரில் கலெக்டர் ரோலில் நடித்து நயன்தாரா மிகப்பெரிய வரவேற்பை ரசிகர்களிடம் பெற்றார் என்பது குறிப்பிடத்தக்கது. அதேபோல் மண்ணாங்கட்டி படமும் நடிகை நயன்தாராவுக்கு மிகப்பெரிய வரவேற்பை ரசிகர்களிடம் பெற்று தரும். அதனால் மீண்டும் ஒரு ரவுண்டு நடிகை நயன்தாரா வருவார் என்றும் கோலிவுட்டில் தகவல் பரவி வருகிறது.