ஐயோ… பூமிக்கு ஆபத்தா?… சூப்பர் எல் நினோ அட்டாக்… கலிபோர்னியா முதல் இந்தியா வரை கதறும் நாடுகள்… வரப்போகும் பெரும் பஞ்சமா?… அமெரிக்க நிறுவனம் கெடுபிடி… பதைபதைக்கும் எச்சரிக்கை…!

பசிபிக் பெருங்கடலில் உருவாகியுள்ள ‘சூப்பர் எல் நினோ’ உலகளாவிய காலநிலை அமைப்பையே சீர்குலைக்கும் மாபெரும் ஆபத்தாக மாறியுள்ளதாக S&P Global Ratings நிறுவனம் எச்சரித்துள்ளது. 1870-க்குப் பிறகு கலிபோர்னியா அருகே சுமார் 8,000 கிலோமீட்டர் நீளத்திற்கு ஏற்பட்டுள்ள இந்த மாபெரும் கடல் வெப்ப அலை, கடல் வாழ் உயிரினங்களை அழிப்பதுடன் உலக வானிலையை தலைகீழாக மாற்றும் சக்தி கொண்டது. இதன் காரணமாக ஆஸ்திரேலியா, அமேசான் காடுகள் மற்றும் மத்திய ஆப்பிரிக்காவில் கடும் வறட்சியும் காட்டுத்தீயும் உருவாகும் அதே வேளையில், அமெரிக்காவின் தெற்குப் பகுதிகளில் பேரழிவு வெள்ளம் ஏற்படும் வாய்ப்புள்ளது.

இந்த சூப்பர் எல் நினோவால் அதிகம் பாதிக்கப்படக்கூடிய நாடுகளில் ஒன்றாக இந்தியா திகழ்கிறது. கர்நாடகா, தமிழ்நாடு, ஆந்திரா போன்ற மாநிலங்களில் பருவமழைக்கு முன்பே 40 டிகிரி செல்சியஸைத் தாண்டிய வெப்பம் பதிவான நிலையில், ஜூன்-செப்டம்பர் தென்மேற்குப் பருவமழை பலவீனமடையக்கூடும். இதனால் வடமேற்கு இந்தியாவில் பயிர்கள் அழிந்து, உணவு தானிய உற்பத்தி கடுமையாகக் குறையும். இதன் விளைவாகச் சந்தையில் பொருட்களின் விலை உயர்ந்து, பணவீக்கம் அதிகரிப்பதோடு சாதாரண மக்களைப் பாதிக்கும் பொருளாதார நெருக்கமாகவும் இது உருவெடுக்கும்.

இச்சூழலில் காற்றில் ஈரப்பதமும் வெப்பமும் அதிகரித்து மனித உடலால் இயல்பாகக் குளிர்ந்திருக்க முடியாத ‘வெட்-பல்ப் வெப்பநிலை’ உயிருக்கு ஆபத்தான சூழலை உருவாக்கும். இப்பாதிப்புகளை எதிர்கொள்ள, இந்திய அரசு மாவட்ட ரீதியாக விவசாயிகளுடன் இணைந்து திறமையான நீர் மேலாண்மை மற்றும் குறைந்த நீர் தேவைப்படும் பயிர்களை ஊக்குவித்து வருகிறது. இக்கட்டான இந்தச் சூழலைச் சமாளிக்க விவசாயிகள் வறட்சியைத் தாங்கும் மாற்றுப் பயிர்களுக்கு மாறுவதும், பொதுமக்கள் ஒவ்வொரு சொட்டு நீரையும் சேமிப்பதும் மிகவும் அவசியமாகும்.