71வது தேசிய திரைப்பட விருதுகள்… 2 விருதுகளை தட்டி தூக்கிய பார்க்கிங் படம்… ஜிவி பிரகாஷுக்கு சிறந்த இசையமைப்பாளர் விருது…!

இந்திய சினிமாவின் மிகப்பெரிய விருதாக கருதப்படும் தேசிய திரைப்பட விருதுகளின் 71 வது சீசனுக்கான வெற்றியாளர்கள் பட்டியல் இன்று வெளியாகி உள்ளது. 2023 ஜனவரி 1 முதல் டிசம்பர் 31 வரை மத்திய திரைப்பட சான்றிதழ் வாரியத்தால் சான்றிதழ் பெற்ற திரைப்படங்கள் இந்த விருதுகளுக்கு தகுதி பெற்றவை. கடந்த 2023 ஆம் ஆண்டு இந்திய திரைப்படத்துறைக்கு ஒரு வெற்றி ஆண்டாக அமைந்தது. பல திரைப்படங்கள் தொடர்ந்து தேசிய திரைப்பட விருதுகளை குவித்தன. 71 வது தேசிய திரைப்பட விருதுகள் அறிவிக்கப்பட்டுள்ள நிலையில் தமிழ் படம் பிரிவில் ராம்குமார் பாலகிருஷ்ணன் இயக்கத்தில் ஹரிஷ் கல்யாண், எம் எஸ் பாஸ்கர் நடிப்பில் வெளியான பார்க்கிங் திரைப்படம் தேர்வாகியுள்ளது.

அதனைப் போலவே வாத்தி படத்திற்கு இசையமைத்த இசை அமைப்பாளர் ஜிவி பிரகாஷ் குமார் சிறந்த இசை அமைப்பாளராக தேர்வு செய்யப்பட்டுள்ளார். அதேபோல சிறந்த திரைக்கதை பிரிவில் பார்க்கிங் படத்தின் இயக்குனர் ராம்குமார் பாலகிருஷ்ணனுக்கு கிடைத்துள்ளது. பார்க்கிங் படத்தில் நடித்த எம் எஸ் பாஸ்கரனுக்கு சிறந்த சப்போர்ட்டிங் ஆக்டர் பிரிவில் விருது கிடைத்துள்ளது. இதனைத் தொடர்ந்து தேசிய விருது பெற்றுள்ள பிரபலங்களுக்கு திரைப்படத் துறையினர் மற்றும் ரசிகர்கள் தங்கள் வாழ்த்துக்களை தெரிவித்த வண்ணம் உள்ளனர்.