நிலவைச் சுற்றித் தனது வரலாற்றுப் பயணத்தை வெற்றிகரமாக முடித்த நாசாவின் ‘ஆர்டெமிஸ் 2’ விண்கலம், இன்று அதிகாலை தனது இறுதிப் பயணத்தைத் தொடங்கியுள்ளது. சுமார் 3.8 லட்சம் கிலோமீட்டர் தொலைவில் இருந்து மணிக்கு 38,367 கிலோமீட்டர் என்ற அசுர வேகத்தில் இந்த விண்கலம் பூமியின் வளிமண்டலத்தை நோக்கிப் பந்து போல உருண்டு வருகிறது. நான்கு விண்வெளி வீரர்களைச் சுமந்து வரும் இந்த விண்கலம், இந்திய நேரப்படி அதிகாலை 5:23 மணிக்கு வளிமண்டலத்திற்குள் நுழைந்து, 5:37 மணிக்கு பசிபிக் பெருங்கடலில் தரை இறங்கும் என நாசா கணித்துள்ளது.
இந்த 14 நிமிடப் பயணமே ஒட்டுமொத்த உலகையும் பதைபதைக்க வைத்துள்ளது. விண்கலம் அதிவேகமாக வளிமண்டலக் காற்றுடன் மோதும் போது ஏற்படும் உராய்வினால் சுமார் 2,700 டிகிரி செல்சியஸ் வெப்பம் உருவாகும். இது இரும்பையே உருக்கக்கூடிய வெப்பம் என்பதால், விண்கலத்தைச் சுற்றி நெருப்புப் பிழம்புகள் சூழ்ந்திருக்கும். விண்கலத்தின் வெப்பத் தடுப்புக் கவசத்தில் ஏற்படும் ஒரு சிறிய குறைபாடு கூட வீரர்களின் உயிருக்கு ஆபத்தாக முடியலாம் என்பதால், ஒவ்வொரு வினாடியும் மிகவும் முக்கியமானது.
இந்த ‘திக் திக்’ நிமிடங்களின் மற்றொரு சவாலாக தகவல் தொடர்பு துண்டிப்பு (Blackout) அமையும். விண்கலத்தைச் சுற்றியுள்ள கடும் வெப்பப் பிழம்புகளால் ரேடியோ அலைகள் ஊடுருவ முடியாமல் போகும். இதனால் சுமார் 6 முதல் 7 நிமிடங்கள் வரை பூமியில் இருக்கும் நாசா கட்டுப்பாட்டு மையத்திற்கும் வீரர்களுக்கும் இடையேயான தொடர்பு முற்றிலும் துண்டிக்கப்படும். அவர்கள் பாதுகாப்பாக இருக்கிறார்களா என்பது தெரியாமல் உலகமே மௌனத்தில் ஆழும் அந்த நிமிடங்கள் தான் விண்வெளிப் பயணத்தின் உச்சக்கட்ட சவாலாகும்.
பாதுகாப்பு காரணங்களுக்காக விண்கலத்திற்குள் இருக்கும் சிறிய பொருட்கள் முதல் பெரிய உபகரணங்கள் வரை அனைத்தும் மிகக் கவனமாகப் பொதிந்து வைக்கப்பட்டுள்ளன (Packing). அசுர வேகத்தில் வரும்போது ஒரு சிறிய ஸ்பூன் கூட ஒரு ஏவுகணை போல மாறி வீரர்களைத் தாக்கும் அபாயம் இருப்பதால் வீரர்கள் தீவிர எச்சரிக்கையுடன் உள்ளனர். பல லட்சம் மைல்கள் கடந்து வந்தாலும், பாராசூட்கள் சரியான நேரத்தில் விரிந்து பசிபிக் கடலில் அவர்கள் பத்திரமாக இறங்கும் போது மட்டுமே இந்த வரலாற்றுச் சாதனை முழுமையடையும். நான்கு மனித உயிர்களுக்காகவும், அறிவியலின் இந்த மாபெரும் வெற்றிக்காகவும் உலகமே ஆவலுடன் காத்திருக்கிறது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…