“நான் தான் உங்க தாய்மாமான்” விஜய்யின் செண்டிமெண்ட் அரசியல்… கிழித்தெடுத்த நயினார் நாகேந்திரன்…!

“தனக்கு ஓட்டுப் போடுமாறு பெற்றோர்களை நச்சரியுங்கள்” என்று நடிகர் விஜய் குழந்தைகளைத் தூண்டிவிட்டதாகவும், “நான்தான் உங்கள் தாய்மாமன்” எனச் செண்டிமெண்ட் வசனம் பேசி அவர்களுக்குத் தூண்டில் போட்டதாகவும் பாஜக மாநிலத் தலைவர் நயினார் நாகேந்திரன் மிகக் கடுமையான சாடல்களை முன்வைத்துள்ளார் . எந்தக் குழந்தைகளை விஜய் இவ்வாறு அரசியல் லாபத்திற்காகப் பயன்படுத்தினாரோ, அந்தக் குழந்தைகள் தான் தினசரி ஒரு பாலியல் மிருகத்திடம் சிக்கிச் சின்னாபின்னமாகிக் கொண்டிருக்கிறார்கள் என்று அவர் குற்றம் சாட்டியுள்ளார்.

தமிழகத்தில் குழந்தைகளுக்கு எதிராக அரங்கேறி வரும் இத்தகைய கொடூரமான குற்றங்களை விஜய் வேடிக்கை பார்ப்பது அவரது மலினமான குணாதிசயத்தைக் காட்டுகிறது என்று நயினார் நாகேந்திரன் தனது அறிக்கையில் கடுமையாக விவரித்துள்ளார். தமிழக அரசியல் வட்டாரத்திலும் சமூக வலைத்தளங்களிலும் தற்பொழுது மிகப்பெரிய விவாதத்தையும் பரபரப்பையும் கிளப்பியுள்ளது.