“அதைக் கொச்சைப்படுத்தாதீங்க”…. விஜய்க்கு சால்வை அணிவித்த விவகாரத்தில் உண்மையை உடைத்த நயினார் நாகேந்திரன்….!

தமிழகத்தில் தவெக ஆட்சி அமைந்த பிறகு முதல் முறையாக சென்னை வந்த பிரதமர் மோடியை வரவேற்ற நிகழ்வில், பாஜக தலைவர் நயினார் நாகேந்திரன் முதலமைச்சர் விஜய்க்கு சால்வை அணிவித்தது அரசியல் வட்டாரத்தில் பெரும் பேச்ப்பொருளாக மாறியது. குறிப்பாக, அந்தச் சால்வை வழக்கத்தை விட பெரிதாக இருந்ததால், அது புடவை போல் காட்சியளிப்பதாகக் கூறி சமூக வலைதளங்களில் பலரும் கிண்டல் செய்து தங்களின் கருத்துக்களைப் பதிவிட்டு வந்தனர்.

இந்தச் சமூக வலைதள கேலிகள் மற்றும் விமர்சனங்கள் குறித்து செய்தியாளர்கள் எழுப்பிய கேள்விக்குத் துணிச்சலாகப் பதிலளித்த நயினார் நாகேந்திரன், பொதுமக்கள் மற்றும் நெட்டிசன்கள் அதைக் கொச்சைப்படுத்த வேண்டாம் என்று கேட்டுக்கொண்டார். மேலும், அவர் நமது முதலமைச்சர் என்றும், ஒரு கட்சியின் தலைவராக முறைப்படி தான் அவருக்கு உரிய மரியாதை செலுத்தியதாகவும் அவர் விளக்கம் அளித்துள்ளார்.

அரசியல் வேறுபாடுகளைத் தாண்டி ஒரு மாண்புமிகு முதலமைச்சருக்குத் தன் கட்சியின் சார்பில் மரியாதை செலுத்தியதில் எந்தத் தவறும் இல்லை என்பதை உணர்த்தும் வகையில் நயினார் நாகேந்திரனின் இந்தத் தெளிவான விளக்கம் அமைந்துள்ளது. அரசியல் களத்தில் சால்வை விவகாரம் ஒருபுறம் பேசுபொருளாக வலம் வந்தாலும், நயினார் நாகேந்திரனின் இந்த முதிர்ச்சியான பதில் சமூக வலைதள விவாதங்களுக்கு முற்றுப்புள்ளி வைக்கும் வகையில் அமைந்துள்ளது.