MGR ஐ பற்றி தவறாக பேசிய நாகேஷ்… பதிலுக்கு புரட்சி தலைவர் செய்த செயல்…

தமிழ் சினிமாவில் உச்சபட்ச நடிகராகவும் புகழ்பெற்ற நடிகராகவும் இருந்தவர் MGR. மக்கள் மனதில் நீங்காத இடம் பிடித்தவர் MGR. அரசியலிலும் சரி சினிமாவிலும் சரி தனக்கென தனி ராஜ்யத்தை உருவாக்கி சிம்மாசனம் போட்டு அமர்ந்திருப்பவர் MGR.

குடும்ப வறுமைக்காக நாடகங்களில் நடிக்க ஆரம்பித்த MGR பின்னர் படிப்படியாக உயர்ந்து சினிமாவில் நடிகர் ஆனார். தனக்கு கிடைத்த வாய்ப்பை சரியாக பயன்படுத்தி அர்ப்பணிப்போடு உழைத்தார் MGR. தனது அபாரமான நடிப்பை வெளிப்படுத்தி மக்கள் மனதில் நீங்காத இடம் பிடித்தார் MGR.

எம்ஜிஆரின் படங்கள் என்றாலே திராவிட சிந்தனைகள் சமூக நீதி கருத்துக்கள் ஆக்ஷன் கட்சிகள் நிறைந்திருக்கும். அதனால் மக்கள் வெகுவாக இவரை ரசித்தனர். தன்னை ஆதரித்த மக்களுக்கு ஏதாவது செய்ய வேண்டும் என்று விரும்பிய MGR அரசியலில் இறங்கி தமிழ்நாட்டின் முதலமைச்சராக சிறப்பாக ஆட்சி நடத்தினார். தலைவராக மட்டுமல்லாமல் உதவி செய்யும் குணம் கொண்டவராகவும் வாரி வழங்கும் வள்ளலாகவும் இருந்திருக்கிறார் MGR. அதற்க்கு ஒரு சம்பவம் இருக்கிறது.

அது என்னவென்றால் ஒரு முறை கருத்து வேறுபாட்டால் நகைச்சுவை நடிகர் நாகேஷ் MGRஐ தவறாக பேசியிருக்கிறார். அதற்கு பிறகு அவர் எம்ஜிஆரை சந்திக்கவே இல்லை. சிறிது காலத்திற்கு பிறகு MGR முதலமைச்சரானதற்கு பிறகு நாகேஷ் அவரை சந்திக்க சென்றிருக்கிறார். ஆனால் பழசு ஏதும் மனதில் வைக்காத MGR என்ன வேணும் உங்களுக்கு நான் என்ன உதவி செய்யணும் என்று கேட்டிருக்கிறார்.

உடனே நாகேஷ் நான் கட்டிய நாகேஷ் கலையரங்கத்தை திறக்க விடாமல் கார்ப்பரேஷன்காரர்கள் தடுக்கிறார்கள். நீங்கள் தான் ஏதாவது உதவி செய்ய வேண்டும் என்று கூறியிருக்கிறார். என்னதான் நாகேஷ் தன்னை பற்றி தவறாக பேசினாலும் அந்த பிரச்சனையை முடிக்க செய்து நாகேஷ் கலை அரங்கத்தை திறக்க வைத்திருக்கிறார் MGR .அத்தனை அன்புள்ளம் கொண்டவராகவும் உதவி செய்யும் நற்குணத்தையும் கொண்டிருந்திருக்கிறார் MGR.