மூடப்பட்ட ரயில்வே கேட்… காரில் காத்திருந்த பிரபலங்கள்… திடீரென பிச்சைக்காரர்களாக மாறிய தருணம் – இப்படியும் கூட நடந்துக் கொண்டார்களா?

ஒருமுறை எழுத்தாளர் ஜெயகாந்தனும் நடிகர் நாகேஷூம் வெளியூரிலிருந்து காரில் ஊருக்கு திரும்பி வந்து கொண்டிருந்தனர். அப்போது தொழுப்பேடு என்கிற ஊரில் ரயில்வே கேட் மூடப்பட்டிருந்தது. ரயில் வந்து போக நேரமாகும் என்று அங்கிருந்த சிலர் சொல்லி இருக்கிறார்கள். அதுவரை என்ன செய்வது என்று நாகேஷ் ஜெயகாந்தனிடம் கேட்டிருக்கிறார். பிச்சை எடுக்கலாம் என்று ஜெயகாந்தன் கூறியிருக்கிறார்.

அப்படியா? அதுவும் சரிதான். ஆனால் இப்படியே போய் பிச்சை எடுத்தால் யார் நம்புவார்கள் என்று கேட்ட நாகேஷ் காரில் இருந்த லுங்கியை எடுத்து இடுப்பில் கட்டிக்கொண்டு ரோட்டோரத்தில் போய் உட்கார்ந்து விட்டார். இதை பார்த்து மிரண்ட ஜெயகாந்தன் அவரும் அதே கோலத்தில் நாகேஷ் பக்கத்தில் போய் உட்கார்ந்து கொண்டார்.

இரண்டு பேரும் போவோர் வருபவர்களிடம் எல்லாம் கைநீட்டி பிச்சை எடுத்தனர். அந்த பிச்சையில் ஜெயகாந்தனுக்கு தான் நிறைய வசூல் கிடைத்தது. இதில் நீதான் ஜெயிச்சே என்று ஜெயகாந்தனை நாகேஷ் கட்டிப்பிடித்துக் கொண்டு பாராட்டினார் என்று அப்படி ஒரு சம்பவம் நடந்ததாக சினிமா பத்திரிக்கையாளர் ஒருவர் அளித்த நேர்காணலில் கூறியிருக்கிறார்.