தமிழ் சினிமாவில் தனக்கென ஒரு அடையாளத்தை கொண்டவர் இயக்குனர் மிஷ்கின். தயாரிப்பாளர் இசையமைப்பாளர் நடிகர் என பன்முக தன்மை கொண்டவர். டிரெயின் என்ற படம் அவரது இயக்கத்தில் விரைவில் ரிலீஸாக உள்ளது. இந்த படத்தில் விஜய் சேதுபதி தான் நாயகனாக நடித்திருக்கிறார்.
இயக்குனர் மிஷ்கின் ஆரம்பத்தில் இயக்குனர் வின்சென்ட் செல்வாவிடம் உதவி இயக்குனராக பணிபுரிந்தவர். அதன்பிறகுதான் சித்திரம் பேசுதடி படத்தை இயக்கினார். பிறகு முன்னணி நட்சத்திர இயக்குனராக மாறினார். இப்போது படங்களில் நடிக்கவும் பல கோடி ரூபாய் மிஷ்கின் சம்பளம் வாங்குகிறார்.
இந்த சூழலில் இயக்குனர் வின்சென்ட் செல்வா புதிய படம் ஒன்றை இயக்குகிறார். ரிச்சார்ட் இந்த படத்தில் நாயகனாக நடிக்கிறார். பலத்த பொருளாதார சிரமங்களுக்கு மத்தியில் இந்த படம் உருவாகிறது. இந்த படத்தில் நடிகர் மிஷ்கினும் முக்கிய கேரக்டரில் நடிக்கிறார். ஆனால் தனது குரு இயக்கும் படம் என்பதால் இந்த படத்தில் சம்பளமே இல்லாமல் மிஷ்கின் நடிப்பதாக தகவல் வெளியாகி உள்ளது.