நெகிழ்ச்சி..! குட்டிகளின் பசி ஆற்றிய மனிதருக்கு ‘ஆசி’ வழங்கிய தாய் நாய்.. இணையத்தை நனைய வைத்த வைரல் வீடியோ..!!

சமூக வலைதளங்களில் வைரலாகி வரும் ஒரு நெகிழ்ச்சியான வீடியோவில், நபர் ஒருவர் சாலையோரம் பசியால் வாடிக்கொண்டிருந்த நாய் குட்டிகளுக்கு உணவு அளிக்கிறார். அந்தச் குட்டிகள் மிகவும் பசியுடன் இருந்ததால், உணவு கிடைத்தவுடன் உற்சாகமாகச் சாப்பிடத் தொடங்குகின்றன. இதைப் பார்த்துக் கொண்டிருந்த அந்தக் குட்டிகளின் தாய் நாய், அந்த நபரின் அருகில் வந்து செய்த செயல் அனைவரையும் வியக்க வைத்துள்ளது.

மனிதரைப் போன்று ஆசி வழங்கிய நாய்:

குட்டிகளுக்கு உணவு அளித்த நபரை நன்றியுடன் பார்த்த அந்தத் தாய் நாய், திடீரென தனது இரண்டு முன் கால்களையும் தூக்கி, மனிதர்கள் கைகூப்பி நன்றி சொல்வது போலவும் அல்லது ஆசி வழங்குவது போலவும் செய்கை செய்தது. ஒரு முறை மட்டுமன்றி இரண்டு முறை அந்த நாய் அவ்வாறு செய்ததைக் கண்டு அந்த நபர் மற்றும் வீடியோவைப் பார்த்தவர்கள் நெகிழ்ச்சியில் ஆழ்ந்தனர். விலங்குகளுக்கும் உணர்ச்சிகள் உண்டு என்பதையும், அவை நன்றியை வெளிப்படுத்தும் விதத்தையும் இந்த வீடியோ அழகாகப் படம்பிடித்துள்ளது.

நெகிழ்ச்சியில் இணையவாசிகள்:

இந்த வீடியோ வைரலானதைத் தொடர்ந்து, பலரும் “மனிதர்களை விட விலங்குகளிடம் நன்றியுணர்வு அதிகமாக இருக்கிறது” என்று கருத்து தெரிவித்து வருகின்றனர். மற்றவர்களுக்கு உதவும் குணம் இன்றும் உயிர்ப்புடன் இருப்பதை இத்தகைய சம்பவங்கள் நினைவுபடுத்துவதாக இணையவாசிகள் பதிவிட்டுள்ளனர். ஒரு தாயாகத் தனது குட்டிகளின் பசி ஆற்றிய நபருக்கு அந்த நாய் காட்டிய அன்பு, மனிதநேயத்தின் உன்னதத்தை வெளிப்படுத்துவதாக அமைந்துள்ளது.