“அம்மா… நாங்க வந்துட்டோம்…” குழந்தைகள் கதவைத் திறந்ததும் கண்ட பயங்கரம்… தாய் கொடூரமாகப் படுகொலை… உத்தரப் பிரதேசத்தில் பரபரப்பு…!

உத்தரப் பிரதேச மாநிலம் ஆசம்கடையில் 38 வயதான அக்பரி பானு என்ற பெண் வீட்டின் உள்ளேயே கூர்மையான ஆயுதத்தால் கொடூரமான முறையில் படுகொலை செய்யப்பட்டுள்ளார். பள்ளி முடிந்து வீட்டிற்குத் திரும்பிய சிறு குழந்தைகள், தாய் ரத்த வெள்ளத்தில் பிணமாகக் கிடப்பதைக் கண்டு அதிர்ச்சியடைந்து கதறி அழுத சம்பவம் அப்பகுதியில் பெரும் சோகத்தையும் பரபரப்பையும் ஏற்படுத்தியுள்ளது.

சம்பவம் நடந்த நேரத்தில் மும்பையில் பணியாற்றி வந்த அக்பரி பானுவின் கணவர், இத்தகவலை அறிந்து உடனடியாக ஊருக்கு விரைந்துள்ளார். தாயை இழந்து தவிக்கும் பிஞ்சுக் குழந்தைகளின் கதறலும், குடும்பத்தினரின் சொல்லொணாத் துயரமும் காண்போரின் நெஞ்சைப் பதற வைக்கிறது. இத்தகைய கொடூர குற்றங்களால் அப்பாவி மக்களின் பாதுகாப்பு கேள்விக்குறியாகியுள்ளது.

https://twitter.com/KarishmaAziz_/status/2091116722271203740/video/1

குற்றவாளிகளுக்குப் பயமில்லாமல் நடக்கும் இது போன்ற வன்முறைகள் எப்போதுதான் முடிவுக்கு வரும் என்ற கொந்தளிப்பு மக்களிடையே எழுந்துள்ளது. இக்கொடூரச் சம்பவத்தில் ஈடுபட்ட குற்றவாளிகளை உத்தரப் பிரதேசக் காவல் துறை உடனடியாகக் கைது செய்து, அவர்களுக்குக் கடுமையான தண்டனை வழங்கிச் சட்டத்தின் முன் நிறுத்த வேண்டும் எனப் பொதுமக்கள் வலியுறுத்துகின்றனர்.