மேடக் மாவட்டம் தூப்ராண் மண்டலம் இஸ்லாம்பூர் கிராமத்தில் குடும்பத் தகராறு காரணமாகக் கணவன் கொடூரமாகப் படுகொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. உயிரிழந்தவர் கொண்டாபூர் ஸ்ரீராமுலு (48) என அடையாளம் காணப்பட்டுள்ளார். இவர் மீது இவரது மனைவி சபிதா மற்றும் மகன் பரத் ஆகிய இருவரும் இணைந்து இந்தத் தாக்குதலை நடத்தியதாகத் தகவல்கள் தெரிவிக்கின்றன.
தாக்குதலின் போது, முதலில் ஸ்ரீராமுலுவின் கண்ணில் காரப்பொடியைத் தூவி, கம்பியால் கடுமையாகத் தாக்கியுள்ளனர். அதில் அவர் உயிரிழக்காததால், ஆத்திரமடைந்த தாய்-மகன் இருவரும் கிரானைட் கல்லை எடுத்து அவரது தலையில் போட்டு விபரீதமாகக் கொலை செய்துள்ளனர். குடும்பத்தில் ஏற்பட்ட நீண்டகாலத் தகராறே இந்த கொடூரக் கொலைக்குக் காரணம் எனக் கூறப்படுகிறது.
இச்சம்பவத்தைத் தொடர்ந்து, கணவனைக் கொலை செய்த மனைவி சபிதாவும் மகன் பரத்தும் நேரடியாகச் சென்று காவல நிலையத்தில் சரணடைந்தனர். இச்சம்பவம் குறித்து வழக்குப் பதிவு செய்த காவல்துறையினர் விசாரணை மேற்கொண்டு வருகின்றனர்.