நாடு முழுவதும் விவசாயிகளுக்கு பிஎம் கிசான் திட்டத்தின் கீழ் அரசு சார்பில் ஒவ்வொரு வருடமும் 6000 ரூபாய் நிதி உதவி வழங்கப்பட்டு வருகிறது. நாட்டிலுள்ள நலிந்த விவசாயிகளுக்கு உதவுவதற்காக மத்திய மோடி அரசின் பி எம் கிஷான் திட்டம் செயல்படுத்தப்பட்டு வருகிறது. இந்த திட்டத்தில் தகுதியுள்ள விவசாயிகளுக்கு ஆண்டுதோறும் 6000 ரூபாய் நிதி உதவி மூன்று தவணைகளாக வழங்கப்படுகிறது. இந்த தொகை விவசாயிகளின் வங்கிக் கணக்கில் நேரடியாக வரவு வைக்கப்படுகிறது.
இந்த திட்டத்தின் கீழ் இதுவரை மொத்தம் 20 தவணைகள் விடுவிக்கப்பட்டுள்ள நிலையில் 21வது தவணை விரைவில் வெளியிடப்படும். அடுத்த வாரம் மத்திய அரசு இந்தத் தவணையை வெளியிடக்கூடும் என்று எதிர்பார்க்கப்பட்ட நிலையில் இன்னும்அதிகாரப்பூர்வ தேதியை அரசு அறிவிக்கவில்லை. சில மாநிலங்களில் இந்த தொகையானது ஏற்கனவே வழங்கப்பட்டுள்ள நிலையில், தமிழ்நாட்டில் அடுத்த வாரம் வழங்கப்படும் என எதிர்பார்க்கப்படுகிறது.