“பெண்ணுரிமையின் எதிரி மு.க.ஸ்டாலினை காணவில்லை” என்று பாஜக முன்வைத்த விமர்சனத்திற்குப் பதிலடி கொடுக்கும் வகையில் திமுக இந்தப் பதிவை வெளியிட்டுள்ளது. மகளிர் இடஒதுக்கீட்டு மசோதாவை உடனடியாக அமல்படுத்தக் கோரி தாங்கள் முன்னெடுத்த முயற்சிகளைக் குறிப்பிட்டுள்ள திமுக, தொகுதி மறுசீரமைப்பு என்ற காரணத்தைக் கூறி அதனைத் தாமதப்படுத்துவது ஏன் என்று கேள்வி எழுப்பியுள்ளது. இதன் மூலம் பெண்ணுரிமைக்கும் மாநில உரிமைகளுக்கும் எதிரானவர் பிரதமர் மோடி தான் என்பதைச் சுட்டிக்காட்டும் விதமாக, “பிடிபட்டார் மோடி” என விமர்சித்துள்ளது.
பாஜக மற்றும் திமுக ஆகிய இரு தரப்பினரும் மாறி மாறி முன்வைக்கும் இத்தகைய ‘காணவில்லை’ மற்றும் ‘பிடிபட்டார்’ போன்ற பதிவுகள் இணையத்தில் வைரலாகி வருகின்றன. தேர்தல் களம் சூடுபிடித்துள்ள நிலையில், பெண்களுக்கான இடஒதுக்கீடு மற்றும் மாநில சுயாட்சி போன்ற முக்கிய விவகாரங்களை மையமாக வைத்து இந்தப் போஸ்டர் போர் தீவிரமடைந்துள்ளது