விழுப்புரம் மாவட்டம் செஞ்சி அருகே ஆலம்பூண்டி கிராமத்தைச் சேர்ந்த 7 வயது சிறுமி ஹேமாவதி கடந்த மாதம் மாயமான நிலையில், இதுவரை எந்தவொரு துப்பும் கிடைக்காமல் இருப்பது பெரும் அதிர்ச்சியை ஏற்படுத்தியுள்ளது. இந்த வழக்கை சிபிசிஐடி டிஎஸ்பிக்கள் வேல்முருகன் மற்றும் கீதா தலைமையிலான தனிப்படையினர் தீவிரமாக விசாரித்து வருகின்றனர். இதன் ஒரு பகுதியாக, ஏற்கனவே பலமுறை விசாரணைக்கு உட்படுத்தப்பட்ட ரவுடியை ரகசிய இடத்திற்கு அழைத்து போலீசார் 4வது முறையாக கிடுக்கிப்பிடி விசாரணை நடத்தி வருவதோடு, குற்றவாளிகளைக் கண்டுபிடிக்க தீவிர தேடுதல் வேட்டையில் ஈடுபட்டுள்ளனர்.
இதற்கிடையில், புதுச்சேரி சேந்தநத்தத்தைச் சேர்ந்த சமூக ஆர்வலர் ஏழுமலை என்பவர், மனிதநேயத்தின் அடிப்படையில் தனது சொந்த முயற்சியில் களமிறங்கி அனைவரின் கவனத்தையும் ஈர்த்துள்ளார். காணாமல் போன சிறுமியின் புகைப்படம் மற்றும் விவரங்கள் அடங்கிய விழிப்புணர்வுப் பேனரைத் தனது இருசக்கர வாகனத்தின் முன்பகுதியில் கட்டிக்கொண்டு, விழுப்புரம், கடலூர், புதுச்சேரி உள்ளிட்ட பல்வேறு ஊர்களுக்குத் தன் சொந்தச் செலவில் அவர் பயணம் செய்து வருகிறார். மக்கள் அதிகம் கூடும் பேருந்து நிலையங்கள், தேநீர்க் கடைகள் மற்றும் பொது இடங்களுக்குச் சென்று சிறுமி குறித்து விசாரிப்பதுடன், பொதுமக்களுக்கும் பள்ளி மாணவர்களுக்கும் துண்டுப் பிரசுரங்கள் மற்றும் புகைப்படங்களைக் காட்டி விழிப்புணர்வை ஏற்படுத்தி வருகிறார்.
தீபாவளி பண்டிகை நெருங்கும் இத்தகைய வேளையிலும் சிறுமி இன்னும் கிடைக்காதது தனது மனதை மிகவும் வேதனைப்படுத்துவதாகக் கூறும் ஏழுமலை, “இது யாருக்கோ நடந்த சம்பவம் என்று கடந்து சென்றுவிட முடியாது; சிறுமி மீட்கப்படும் வரை பெற்றோர்களில் ஒருவனாக எனது விழிப்புணர்வுப் பயணம் தொடரும்” என்று உறுதியளித்துள்ளார். ஜல்லிக்கட்டுப் போராட்டத்தின்போது பொதுமக்கள் அனைவரும் எப்படி ஒன்றிணைந்து நின்றார்களோ, அதேபோல் இந்தச் குழந்தையைக் கண்டுபிடிக்கவும் அனைவரும் கைகோர்த்து உதவ வேண்டும் என்றும், மற்ற மாநிலக் காவல் துறையினரும் இதில் கவனம் செலுத்த வேண்டும் என்றும் அவர் கண்ணீருடன் கோரிக்கை விடுத்துள்ளார்.
போலீசார் ஒருபுறம் அதிநவீன தொழில்நுட்பம் மற்றும் தீவிர விசாரணைகள் மூலம் தேடுதல் வேட்டையை முடுக்கிவிட்டுள்ள வேளையில், சமூக ஆர்வலர் ஏழுமலையின் இந்தத் தனிநபர் விழிப்புணர்வுப் பயணம் அப்பகுதி மக்களிடையே பெரும் நெகிழ்ச்சியை ஏற்படுத்தியுள்ளது. இத்தகைய தன்னார்வ முயற்சிகளும், மக்களின் கூட்டு விழிப்புணர்வும் காணாமல் போன சிறுமி ஹேமாவதியை விரைவில் கண்டுபிடிக்கவும், குற்றவாளிகளைச் சட்டத்தின் முன் நிறுத்தவும் பெரிதும் துணையாக நிற்கும் என்று நம்பப்படுகிறது.
டேராடூனின் படேல் நகரில் நிகழ்ந்த துணிகரக் கொள்ளை சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. மக்கள் நடமாட்டம் அதிகம் உள்ள…
மனைவியைப் பிரிந்து வாழ்ந்துவந்த ஆட்டோ ஓட்டுநரான ரமேஷ், பாபு என்பவரின் மகளோடு நட்பு பாராட்டி வந்துள்ளார். இந்தத் தொடர்பை பாபு…
சம்பல் மாவட்டம் பஹ்ஜோய் காவல் எல்லைக்குட்பட்ட பகுதியில், கூடுதல் வரதட்சணையாக மோட்டார் சைக்கிளும் தங்கச் சங்கிலியும் தராத காரணத்தால் ராதா…
வீட்டில் பரிசோதித்த கர்ப்பப் பரிசோதனை முடிவும் வயிறு பெரிதானதும் ஒரு தாய்க்குத் தன் பதின்ம வயது மகள் மீது தவறான…
மத்தியப் பிரதேசத்தின் ராய்சென் மாவட்டம், தேவரி வட்டாரத்தில் அமைந்துள்ள படாய் கிராமத்து நர்மதை ஆற்றங்கரையில், விளையாடிக்கொண்டிருந்த சிறுவர்கள் மண்ணைத் தோண்டியபோது…
பீகார் மாநிலம் பாட்னா அருகிலுள்ள பார் பகுதியில் தீபாவளி பண்டிகையன்று இரவு அதிர்ச்சிகரமான குற்றச்சம்பவம் ஒன்று நிகழ்ந்துள்ளது. வெகுநேரமாகியும் வீடு…