தமிழ் திரையுலகின் முன்னணி நடிகரான அஜித் குமாரின் தாயார் மோகினி மணி (85), வயது முதிர்வு மற்றும் உடல்நலக்குறைவு காரணமாக சென்னையில் இன்று (மே 30) காலமானார். சென்னை பாலவாக்கத்தில் உள்ள இல்லத்தில் வைக்கப்பட்டுள்ள அவரது உடலுக்கு, தமிழக அரசு சார்பில் மாண்புமிகு அமைச்சர் ராஜ்மோகன் நேரில் சென்று மலர்வளையம் வைத்து அஞ்சலி செலுத்தினார். திரையுலகைச் சேர்ந்த பிரபலங்களும், அஜித் குமாரின் ரசிகர்களும் இந்தத் துயரச் செய்தியைக் கேட்டு தங்களது ஆழ்ந்த இரங்கலைத் தெரிவித்து வருகின்றனர்.
கடந்த சில காலமாகவே உடல்நலக்குறைவால் பாதிக்கப்பட்டு, அதற்கான சிகிச்சைகளைப் பெற்று வந்த நிலையில் இன்று அவரது உயிர் பிரிந்தது. அன்னாரது இறுதிச் சடங்குகள் நாளை (மே 31) காலை பாலவாக்கத்தில் உள்ள மயானத்தில் நடைபெறவுள்ளதாகத் தகவல் வெளியாகியுள்ளது. ஏற்கனவே கடந்த 2023-ஆம் ஆண்டு அஜித்தின் தந்தை சுப்ரமணியம் காலமான நிலையில், தற்போது தாயாரையும் இழந்து தவிக்கும் நடிகர் அஜித் குமார் மற்றும் அவரது குடும்பத்தினருக்குப் பலரும் தங்களது ஆறுதல்களைக் கூறி வருகின்றனர்.