புரட்சித்தலைவர் எம்.ஜி.ஆர்- ஐ திரையுலகத்திற்கு அறிமுகப்படுத்தி வைத்தவர் இயக்குனர் எல்லீஸ் ஆர்.தங்கன். வெளிநாட்டவரான எல்லீஸ் ஆர்.தங்கன் தமிழில் சூப்பர் ஹிட் படங்களை இயக்கியுள்ளார். அவருக்கு தமிழ் தெரியாது. இருப்பினும் உதவியாளர்களை வைத்து படங்களை எடுத்துள்ளார்.
இந்நிலையில் வெளிநாட்டவரான எல்லீஸ் ஆர்.தங்கனை கோயிலுக்குள் அனுமதிக்க கோவில் நிர்வாகிகள் மறுப்பு தெரிவித்தனர். இதனால் தனது உதவியாளர்களை வைத்து எல்லீஸ் ஆர்.தங்கன் கோவில் பட காட்சிகளை எடுத்துள்ளார். அவர் கோவில் காம்பவுண்ட் சுவர் மீது ஏறி உட்கார்ந்து தனது உதவியாளர்கள் மூலமாக சில காட்சிகளை எடுக்க கூறுவாராம்.
ஒருமுறை இதற்கு தீர்வு காண வேண்டும் என தனது உதவியாளரிடம் எல்லீஸ் கூறியுள்ளார். அதற்கு எல்லீஸின் உதவியாளர் தலையில் தலைப்பாகை கட்டிக் கொண்டு வந்தால் யாரும் கண்டுபிடிக்க மாட்டார்கள். உங்களை காஷ்மீரி என நினைத்துக் கொள்வார்கள் என கூறியுள்ளார்.
தனது உதவியாளர் கொடுத்த ஐடியா படி கோவில்களில் படபிடிப்பு என்றால் எல்லீஸ் ஆர்.தங்கன் தலையில் தலைப்பாகை கட்டிக்கொண்டு படப்பிடிப்பை நடத்துவார். இவர் தமிழில் சசிலீலாவதி இரு சகோதரர்கள், அம்பிகாபதி, மந்திரகுமாரி, சகுந்தலா, காளமேகம், சூரியபுத்திரி, தாசிபெண் உள்ளிட்ட பல்வேறு படங்களை இயக்கியுள்ளார்.
மேலும் இந்தியாவில் படபிடிப்பை நடத்திய அமெரிக்க படங்களுக்கு ஆலோசகராக பணியாற்றியுள்ளார். 90-களில் தமிழ்நாடு வந்தபோது எல்லீஸ் ஆர்.தங்கனுக்கு உற்சாக வரவேற்பு அளிக்கப்பட்டது.
