தமிழக அரசியல் களத்தில் தேர்தல் முடிவுகளுக்குப் பிறகு பெரும் மாற்றங்கள் நிகழ்ந்து வருகின்றன. குறிப்பாக, திமுக கூட்டணியில் இருந்த விசிக, காங்கிரஸ், இந்திய யூனியன் முஸ்லீம் லீக் உள்ளிட்ட முக்கிய கட்சிகள், புதிதாக ஆட்சி அமைத்துள்ள விஜய்யின் தமிழக வெற்றிக் கழகத்திற்கு (தவெக) ஆதரவு கரங்களை நீட்டியுள்ளன. இந்தச் சூழலில், திமுக கூட்டணியில் இன்னும் நீடித்து வரும் மதிமுக, தவெகவுடன் நெருக்கம் காட்டி வருவது அரசியல் வட்டாரத்தில் பெரும் விவாதத்தைக் கிளப்பியுள்ளது. வரும் ஜூன் 20-ஆம் தேதி நடைபெறவிருக்கும் மதிமுகவின் பொதுக்குழு கூட்டத்தில், கட்சியின் எதிர்காலக் கூட்டணி குறித்த முக்கிய முடிவுகள் எடுக்கப்படும் என்று எதிர்பார்க்கப்படுகிறது.
சமீபத்தில் திருச்சி வந்த தவெக தலைவர் விஜய்யை, மதிமுக முதன்மைச் செயலாளரும் நாடாளுமன்ற உறுப்பினருமான துரை வைகோ நேரில் சென்று பூங்கொத்து கொடுத்து வரவேற்றது இந்த விவாதத்தை மேலும் வலுப்படுத்தியுள்ளது. “தனிச் சின்னத்தில் போட்டியிடாமல் உதயசூரியன் சின்னத்தில் போட்டியிட்டு வென்றதால், தவெக அரசுக்கு எங்களால் ஆதரவு அளிக்க முடியாமல் போய்விட்டது” என்று துரை வைகோ வெளிப்படையாகக் வருத்தம் தெரிவித்துள்ளார். கடந்த சட்டமன்றத் தேர்தலில் மதிமுக இரண்டு தொகுதிகளில் வெற்றி பெற்றிருந்தாலும், அவை திமுகவின் சின்னத்தில் பெற்ற வெற்றிகள் என்பதால், தவெக அரசின் நம்பிக்கை வாக்கெடுப்பின் போது மதிமுக எம்.எல்.ஏ-க்கள் பங்கேற்காமல் நடுநிலை வகித்து தங்களின் அதிருப்தியை வெளிப்படுத்தினர்.
இருப்பினும், மதிமுகவின் எம்.எல்.ஏ-க்கள் தங்களின் பதவிகளை ராஜினாமா செய்ய வாய்ப்பில்லை என்றே கட்சியின் உள்வட்டாரங்கள் தெரிவிக்கின்றன. இது குறித்து மதிமுக முன்னாள் எம்.எல்.ஏ ஒருவர் கூறுகையில், தேர்தலுக்கு முன்பே விஜய்யுடன் கூட்டணி வைக்க துரை வைகோ விரும்பியதாகவும், ஆனால் வைகோவின் முடிவின்படியே திமுக கூட்டணியில் தொடர்ந்ததாகவும் குறிப்பிட்டுள்ளார். தற்போது பதவிகளை ராஜினாமா செய்துவிட்டு மீண்டும் ஒரு இடைத்தேர்தலைச் சந்திப்பது வைகோவிற்கும் தொண்டர்களுக்கும் விருப்பமில்லாத ஒன்று. எனவே, எம்.எல்.ஏ-க்கள் பதவியில் நீடித்துக்கொண்டே, தவெக அரசுக்கு வெளியில் இருந்து ஆதரவு அளிக்கும் முடிவை பொதுக்குழுவில் எடுக்க அதிக வாய்ப்புள்ளது.
அரசியல் சட்டவிதிகளின்படி, கட்சியின் கொள்கைக்கு எதிராகச் சட்டமன்றத்தில் வாக்களித்தால் மட்டுமே கட்சித் தாவல் தடைச் சட்டம் பாயும் என்பதால், பொதுக்குழுவில் தவெக ஆதரவு தீர்மானம் நிறைவேற்றுவதால் சட்டப்படி எந்தப் பாதிப்பும் வராது என்று துரை வைகோவும் சுட்டிக்காட்டியுள்ளார். தற்போதைக்கு திமுக கூட்டணியில் இருந்து உடனடியாக வெளியேறாவிட்டாலும், வரவிருக்கும் உள்ளாட்சித் தேர்தல் அல்லது நாடாளுமன்றத் தேர்தல்களின் போது மதிமுக அதிகாரப்பூர்வமாக தவெகவுடன் கூட்டணி அமைக்கக்கூடும். வரும் 20-ஆம் தேதி நடக்கும் பொதுக்குழுவின் முடிவில் வைகோவின் இறுதி நிலைப்பாடு என்ன என்பது தெரியவரும்; ஒருவேளை மதிமுகவும் வெளியேறினால், திமுக அரசியல் களத்தில் ஓரளவு தனித்துவிடப்படும் சூழல் உருவாகும்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…