2026-ஆம் ஆண்டு நடைபெறவுள்ள தமிழக சட்டமன்றத் தேர்தலை முன்னிட்டு அரசியல் களம் இப்போதே சூடுபிடிக்கத் தொடங்கியுள்ளது. இந்தத் தேர்தலில் சென்னை மாநகராட்சி மேயர் பிரியா ஆர்.ராஜன், வட சென்னையில் உள்ள திரு.வி.க. நகர் தொகுதியில் போட்டியிட விருப்பம் தெரிவித்துள்ளதாகத் தகவல்கள் வெளியாகியுள்ளன. இதற்கான ஆரம்பகட்டப் பணிகளில் அவர் தற்போதே ஆர்வம் காட்டி வருவதாகக் கூறப்படுகிறது.
மேயர் பிரியா மட்டுமல்லாமல், சென்னை மாநகராட்சியின் துணை மேயர் மகேஷ்குமார் மற்றும் 10-க்கும் மேற்பட்ட திமுக கவுன்சிலர்களும் வரும் சட்டமன்றத் தேர்தலில் போட்டியிடத் தீவிர ஆர்வம் காட்டி வருகின்றனர். குறிப்பாக, துணை மேயர் மகேஷ்குமார் வேளச்சேரி அல்லது சைதாப்பேட்டை ஆகிய தொகுதிகளில் ஏதேனும் ஒன்றில் போட்டியிடத் திட்டமிட்டுள்ளதாகத் தெரிகிறது. இதற்காக அவர்கள் தங்களுக்கு நெருக்கமான அமைச்சர்களிடம் சீட் கேட்டு வலியுறுத்தி வருகின்றனர்.
வட சென்னையைப் பொறுத்தவரை அமைச்சர் சேகர்பாபுவும், தென் சென்னையில் அமைச்சர் மா. சுப்பிரமணியனும் செல்வாக்கு மிக்கவர்களாக விளங்குகின்றனர். இதனால், தேர்தலில் போட்டியிட விரும்பும் கவுன்சிலர்கள் மற்றும் கட்சி நிர்வாகிகள், இந்த அமைச்சர்களைத் தொடர்ந்து சந்தித்து தங்களின் விருப்பப் பட்டியலை வழங்கி வருகின்றனர். தங்களுக்குச் சாதகமான தொகுதிகளைப் பெறுவதற்காக அமைச்சர்களின் வீடுகளில் கட்சி நிர்வாகிகள் படையெடுத்து வருவது அரசியல் வட்டாரத்தில் பேசுபொருளாகியுள்ளது.
ஏற்கனவே கவுன்சிலர்களாகப் பணியாற்றி வரும் பலருக்கு எம்.எல்.ஏ ஆகும் ஆசை எழுந்துள்ள நிலையில், திமுக தலைமை யாருக்கு வாய்ப்பளிக்கும் என்ற எதிர்பார்ப்பு அதிகரித்துள்ளது. அதேபோல், அதிமுக உள்ளிட்ட எதிர்க்கட்சிகளிலும் கவுன்சிலர்கள் பலர் சட்டமன்றத் தேர்தலில் போட்டியிடத் தங்கள் கட்சித் தலைமையிடம் விருப்பம் தெரிவித்து வருகின்றனர். தேர்தல் நெருங்கும் வேளையில் வேட்பாளர் தேர்வில் கடும் போட்டி நிலவும் என எதிர்பார்க்கப்படுகிறது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…